Mál eins sakbornings sótt sér

Mál eins þriggja sakborninga sem ákærðir eru fyrir að myrða breskan námsmann á Ítalíu í nóvember í fyrra verður flutt sérstaklega og án tengsla við mál hinna tveggja. Þetta úrskurðaði ítalskur dómstóll í gær.

Þáttur þess aðila er talinn veigameiri en hinna en hann er ákærður fyrir að hafa haft sig mest í frammi þegar námsmanninum, sem er bresk stúlka, var nauðgað og hún svo rænd og myrt. Sakborningarnir neita allir sök en allir hafa þeir setið inni síðan skömmu eftir atburðinn.