Start vill fá Birki að láni

Norska 1. deildarliðið Start hefur óskað eftir því að fá Birki Bjarnason unglingalandsliðsmann að láni frá úrvalsdeildarliðinu Viking í Noregi.

Þetta kemur fram í Aftenposten í dag og segir Birkir í samtali við blaðið að þetta gæti vel komið til greina. Málið sé hins vegar ekki komið svo langt að það sé búið að ákveða þetta.

Fyrr í dag var greint frá því á sama miðli að franska liðið Mónakó og ítalska liðið Catania hefðu óskað eftir því að fá Birki á reynslu en að Egil Östenstad, yfirmaður íþróttamála hjá Viking, hafi hafnað því.