Borgarstjóri klagaður

Fréttastofa Sjónvarps greindi frá því í fréttum sínum í kvöld að allir borgarfulltrúar Sjálfstæðisflokksins nema Vilhjálmur Þ. Vilhjálmsson borgarstjóri hafi gengið á fund formanns flokksins, Geirs H. Haarde og varaformanns, Þorgerðar Katrínar Gunnarsdóttur í dag.

Fréttastofan segist hafa staðfestar heimildir fyrir því að tilgangur borgarfulltrúanna með fundinum hafi verið að greina frá óánægju sinni með vinnubrögð Vilhjálms borgarstjóra við sameiningu Reykjavík Energy Invest og Geysir Green Energy.

Júlíus Vífill Ingvarsson borgarfulltrúi Sjálfstæðisflokksins sagði í viðtali við fréttastofuna að sér þætti það ótækt að valdir starfsmenn fyrirtækisins fái að kaupa hlut í REI á sérkjörum.