Pierce Brosnan sannur Bond?

Leikarinn Pierce Brosnan, sem hvað þekktastur er fyrir hlutverk sitt sem njósnarinn James Bond, er ekki jafn mikill Bond í raunveruleikanum og á hvíta tjaldinu. Hann var á leið frá Kauai til Los Angeles með United Airlines þegar vélin þurfti skyndilega að millilenda í Honolulu vegna veikinda eins farþegans. NY Post greinir frá þessu.

Þegar flugfreyja notaði kallkerfi vélarinnar til að spyrja hvort læknir væri um borð snéri Emily Frances, sem er útvarpskona Vestanhafs, sér að Pierce og sagði: ,,Koma svo, þú ert James Bond. Ættir þú ekki að geta gert eitthvað í þessu?" Svaraði Pierce þessu glottandi og sagði: ,,Því miður get ég það bara í kvikmyndunum".