Óborganlegar tölvu-fyrirspurnir

Breska símafyrirtækið BT hefur gefið út undarlegustu fyrirspurnir sem starfsfólk í þjónustuveri fyrirtækisins hefur fengið frá viðskiptavinum í sambandi við tölvur. Anthony Vollmer yfirmaður nettengingarmála BT sagði að í sumum tilfellum ætti starfsfólkið erfitt með að halda aftur af brosinu. Hér eru nokkur dæmi:

Viðskiptavinur: "Fjórtán ára sonur minn er með lykilorðið að tölvunni og ég kemst ekki inn."

Þjónustufulltrúi: "Man hann ekki lykilorðið?"

Viðskiptavinur: "Jú, en hann er í banni og vill ekki segja mér það."

Viðskiptavinur: "iPodinn minn spilar bara eitt lag."

Þjónustufulltrúi: "Hvaða öðrum lögum hefurðu hlaðið inn af iTunes?"

Viðskiptavinur: "Þarf ég að hlaða inn lögum?"

Viðskiptavinur: "Fjölskylda mín í Ástralíu notar BT tölvusíma. Ég get sé þau en þau sjá mig ekki."

Þjónustufulltrúi: "Hvaða tegund er vefmyndavélin þín?"

Viðskiptavinur: "Hvað er vefmyndavél?"

Viðskiptavinur: "Ég fæ alltaf óviðeigandi myndir upp á tölvunni minni og ég vil ekki að konan haldi að það komi frá mér."

Þjónustufulltrúi: "Ég skal fjarlægja þær fyrir þig."

Viðskiptavinur: "Hvernig get ég svo náð í þær þegar hún er ekki heima?"

Þjónustufulltrúi: "Ýttu á einhvern takka til að halda áfram."

Viðskiptavinur: "Ég finn ekki 'Einhvern' takka."

Viðskiptavinur: "Músamottan mín er ekki tengd."

Þjónustufulltrúi: "Ég skil ekki alveg, músamottan þín á ekki að hafa neinar snúrur."

Viðskiptavinur: "Hvernig veit hún þá hvar músin mín er? Er hún þráðlaus?"

Viðskiptavinur: "Ég hitti mann á internetinu, geturðu gefið mér símanúmerið hans?"

Þjónustufulltrúi: "Á tölvunni þinni er njósnabúnaður sem orsakar vandamálið."

Viðskiptavinur: "Njósnabúnaður? Geta þeir séð mig hátta í gegnum skjáinn?"

Viðskiptavinur: "Hvernig skipti ég um stöð á skjánum?"

Þjónustufulltrúi: "Tölvuskjárinn hefur ekki stöðvar eins og á sjónvarpi."

Viðskiptavinur: "En ég var að horfa á internetstöðina um daginn og núna fæ ég bara ritvinnslustöðina."

Þjónustufulltrúi: "Geturðu ýtt á "Mína tölvu" (My Computer)?"

Viðskiptavinur: "Ég er ekki með þína tölvu, bara mína."