Sátt í sjónmáli hjá sjálfstæðismönnum

Heimildir fréttastofu Vísis herma að sátt hafi náðst um málefni Reykjavík Energy Invest á fundi borgarfulltrúa Sjálfstæðisflokksins sem nú stendur yfir í Ráðhúsinu.

Sömu heimildir herma að stutt sé í að fundi ljúki og að honum loknum sé von á yfirlýsingu frá borgarstjórnarflokknum. Ekki liggur hins vegar fyrir í hverju sáttin er fólgin.

Eins og kunnugt er hefur verið mikil óánægja hjá borgarfulltrúum flokksins með það hvernig staðið var að málum við sameiningu REI og Geysir Green Energy. Voru borgarfulltrúarnir meðal annars ósáttir við framgöngu Vilhjálms Þ. Vilhjálmssonar í málinu.