Zidane með þrennu fyrir Real Madrid

Real Madrid lyfti sér upp í 4. sæti spænsku úrvalsdeildarinnar í fótbolta í kvöld þegar liðið sigraði Sevilla 4-2. Zinedine Zidane var sjóðheitur og skoraði þrennu fyrir Madridarliðið sem var mun betri aðilinn í leiknum.

Jose Maria Guti skoraði fyrsta mark Real og kom sínum mönnum í 1-0 en gestirnir jöfnuðu á 51. mínútu með marki Luis Clemente Fabiano en þá skoraði Zidane tvívegis fyrir Real með þriggja mínútna millibili áður en Sevilla minnkaði muninn í 3-2. Zidane fullkomnaði þrennuna og gulltryggði sigur heimamanna á lokamínútu leiksins.

Real Madrid er þó enn 16 stigum á eftir toppliði Barcelona sem vann Athletic Bilbao fyrr í kvöld, 4-2.