Gaf vísbendingar um framtíðina

Thierry Henry þótti gefa vísbendingar um að hann ætlaði að vera áfram í herbúðum Arsenal á næsta ári þegar hann ávarpaði félaga sína í flugvélinni á leið frá París.

Henry ávarpaði liðsfélaga sína og stuðningsmenn liðsins í kallkerfi flugvélarinnar og skoraði á alla að taka tapinu með jafnaðargeði. "Við verðum öll að rífa okkur upp eftir þetta tap og koma enn sterkari til leiks á næsta tímabili," sagði Henry, en það þótti bera vott um að hann ætlaði sér að vera áfram í herbúðum liðsins.