Auðvelt hjá Blikastúlkum

Íslandsmeistarar Breiðabliks hefja leiktíðina með glæsibrag í Landsbankadeild kvenna í knattspyrnu, en í kvöld vann liðið öruggan 4-0 sigur á KR á Kópavogsvelli. Á sama tíma burstuðu Valsstúlkur Stjörnuna 6-0, Þór/KA vann FH 4-2 fyrir norðan og Keflavíkurstúlkur lögðu Fylki í Árbænum 2-0.

Erna Björk Sigurðardóttir, Edda Garðarsdóttir og Vanja Stefanovic skoruðu mörk Blika, en eitt markið var sjálfsmark KR.

Dóra María Lárusdóttir, Katrín Jónsdóttir, Guðný Óðinsdóttir, Málfríður Erna Sigurðardóttir, Rakel Logadóttir og Margrét Lára Viðarsdóttir skoruðu mörk Vals gegn Stjörnunni.