Hefur ekki áhyggjur af álaginu

Nýráðinn landsliðsþjálfari Ítala, hinn 43 ára gamli Roberto Donadoni, segist ekki hafa áhyggjur af þeirri pressu sem fylgi því að taka við nýkrýndum heimsmeistununum.

"Það er ekkert nýtt fyrir mér að vinna undir álagi og væntingum, það er nokkuð sem fylgir því að þjálfa hvar sem er," sagði Donadoni, sem hefur litla reynslu af þjálfun en var sjálfur sigursæll sem knattspyrnumaður með AC Milan á síðasta áratug.

"Það er betra að byrja með verðlaunagrip í skápnum frekar en ekki neitt og ég mun gera allt sem í mínu valdi til að tryggja áframhaldandi góðan árangur liðsins," sagði Donadoni.