Íslendingarnir í eldlínunni

Sex leikir fara fram í ensku úrvalsdeildinni í knattspyrnu í kvöld og verða íslensku leikmennirnir þar allir í eldlínunni. Hermann Hreiðarsson verður í vörn Charlton sem fær það erfiða verkefni að mæta heitu liði Manchester United á heimavelli sínum, Heiðar Helguson er í leikmannahópi Fulham gegn Bolton og þeir Ívar Ingimarsson og Brynjar Björn Gunnarsson verða væntanlega í hóp Reading sem sækir Aston Villa heim.

Manchester City tekur á móti Portsmouth, Blackburn mætir Everton og þá tekur Middlesbrough á móti Englandsmeisturum Chelsea.