Shawn Marion frábær gegn Clippers

Shawn Marion fór á kostum í nótt þegar Phoenix Suns lagði LA Clippers á útivelli í þriðja leik liðanna í undanúrslitum Vesturdeildarinnar 94-91. Marion skoraði 32 stig, hirti 19 fráköst og stóð sig frábærlega í vörninni þar sem honum var fengið að taka Sam Cassell úr umferð.

Tim Thomas skoraði 19 stig og hirti 14 fráköst fyrir Phoenix, Raja Bell skoraði 14 stig og Steve Nash skoraði 12 stig og gaf 10 stoðsendingar. Hjá Clippers var Elton Brand bestur með 20 stig, 9 fráköst og 8 stoðsendingar, og Vladimir Radmanovic skoraði 18 stig af bekknum. Phoenix leiðir 2-1 í einvíginu og næsti leikur fer fram í Los Angeles.