Ég vissi strax að þetta yrði mark

Sigurmark William Gallas gegn Tottenham í leik liðanna í ensku úrvalsdeildinni í dag var einstaklega glæsilegt og ekki á hverjum degi sem varnarmaðurinn knái skorar svona mörk. John Terry fyrirliði Chelsea sagðist hafa séð strax að skot félaga síns myndi hafna í netinu.

"Það var gríðarlega mikilvægt fyrir okkur að vinna í dag eftir það sem gerðist gegn Barcelona. Við vorum súrir eftir að falla úr meistaradeildinni og nú ætlum við að einbeita okkur alfarið að úrvalsdeildinni. Tottenham kom hingað til að vinna og þeir spiluðu mjög vel," sagði Gallas.

"Ég veit svei mér ekki hvaðan þetta skot kom hjá honum," sagði Terry um sigurmarkið glæsilega. "En um leið og boltinn hrökk af fæti hans, vissi ég að þetta yrði mark."