Gerrard lærir af mistökunum

Rafa Benitez, stjóri Liverpool, segir að Steven Gerrard muni læra af mistökum sínum í dag þegar hann lét reka sig af velli í leiknum gegn Everton eftir aðeins 18 mínútna leik. Benitez var þó ánægður með að sínir menn skyldu ná að vinna leikinn þrátt fyrir að vera manni færri lengst af.

"Steven þarf að læra að hann verður að spila með höfðinu líka, ekki bara hjartanu og það þurfa allir leikmenn liðsins að athuga. Steven veit upp á sig skömmina en hann er fyrst og fremst ánægður með að við skyldum ná að sigra. Hann veit að hann kom liðinu í vandræði með mistökum sínum og verður að læra af þeim í framtíðinni," sagði Benitez.