Um sjötíu manns skoðuðu herstöðina á Miðnesheiði

Um sjötíu manns á vegum Samtaka herstöðvaandstæðingar hafa í dag skoðað herstöðina á Miðnesheiði eftir að Bandaríkjaher fór þaðan í gær. Voru þeir fyrstir almennra borgara að gera það. Hópurinn fór um svæðið og skoðaði markverðustu staði í fylgd leiðsögumanns.

Hópurinn staldraði einnig við og söng söngva sína en slagorð herstöðvarandstæðinga virðast hafa breyst eftir að herinn fór því á skiltum þeirra stóð Ísland úr NATO - herinn frá Írak. Meðal gesta á varnarsvæðinu í dag var Steingrímur J. Sigfússon, formaður Vinstri - grænna, og Birna Þórðardóttir sem er einn frægasti herstöðvaandstæðingur landsins.