Messi og Mourinho skiptast á pillum

Ungstirnið Lionel Messi hjá Barcelona hlær að ásökunum Jose Mourinho um að hann hafi sýnt leikræna tilburði til að fiska Asier del Horno af velli með rautt spjald í leik liðana í gærkvöldi. Jose Mourinho er þó hvergi nærri hættur að láta í ljós skoðanir sínar á leiknum.

"Ég er alfarið ósammála því sem Mourinho segir um mig, ég er enginn leikari. Þetta var glórulaus tækling hjá Del Horno og hann hefði líklega stórslasað mig ef ég hefði ekki hoppað uppúr tæklingunni hjá honum. 'Eg veit hinsvegar alveg hvernig hann er og tek þa ekki nærri mér," sagði Messi.

"Hvernig segir maður "svindla" á katalónsku?" sagði Mourinho fúll.