Rooney ekki með í riðlakeppninni

Eftir að hafa látið skanna á sér ökklann í gær hefur komið í ljós að Wayne Rooney getur ekki byrjað að æfa fyrr en í fyrsta lagi eftir 3 vikur. Þetta þýðir að hann mun að minnsta kosti missa af fyrstu þremur leikjum Englands í keppninni sem eru í riðlakeppninni. Skanna á ökkla Rooney´s á ný 14. júní og þá kemur í ljós hvort hann getur verið með.

Fari svo að England komist áfram úr sínum riðli er hugsanlegt að Rooney geti hjálpað félögum sínum í enska landsliðinu við atlöguna að heimsmeistaratitlinum. Jafnvel þótt að Rooney verði gefið grænt ljós um að byrja að æfa strax eftir skoðunina 14. júní þá hefur hann einungis viku til að koma sér í leikform fyrir 16 liða úrslitin.

Þessar fréttir verða að teljast áfall fyrir enska liðið og spurning hvort að Rooney geti yfirleitt verið eitthvað með á HM. Í raun verður að telja að það sé einungis raunhæfur möguleiki á að Rooney verði með ef England kemst í undanúrslitin.