Myndataka Rooney færð fram um viku

Myndatakan sem Wayne Rooney átti að fara í 14. júní hefur verið færð fram um viku til 7. júní. Þetta hefur verið gert svo að Sven Göran Erikson geti tekið ákvörðun fyrir 9. júní hvort hann ætli að hafa Rooney í hópnum eða hvort hann kallar til einn af leikmönnunum í varahóp Englands.

Englendingar verða að hafa valið lokahópinn í seinasta lagi 9. júní og eftir það er ekki hægt að kalla inn varamenn vegna meiðsla í hópnum. Það er þess vegna sem myndatakan hefur verið færð fram.

Erikson vill ekki taka Rooney með ef að hann er líklegur til að geta ekkert spilað á HM, frekar ætlar hann að taka frískan mann í staðinn og það kemur í ljós eftir myndatökuna hvort Rooney eigi séns á að vera orðinn heill nógu og snemma til þess að það sé þess virði að taka hann með.