Love laus allra mála

Skilorðsbundinn dómur söngkonunnar Courtney Love hefur verið felldur niður af dómstólum í Los Angeles fyrr en áætlað var. Ástæðan er hversu Love hefur verið dugleg í eiturlyfjameðferð sinni.

Love fékk skilorðsbundinn dóm fyrir að hafa tvívegis eiturlyf í fórum sínum og fyrir að hafa ráðist á aðra konu. Átti dómurinn að renna út í næsta mánuði. „Takk fyrir að gefa mér tækifæri. Þú hefur verið góður og sanngjarn dómari,“ sagði Love, sem er ekkja söngvarans Kurt Cobain úr Nirvana.