Þarf í aðgerð vegna ökklameiðsla
Sóknarmaðurinn Kevin Phillips hjá Aston Villa þarf að fara í aðgerð á ökkla og verður frá í nokkurn tíma, því læknar félagsins telja víst að beinflís sé að skemma út frá sér í ökklanum á honum. David O´Leary, stjóri Villa, getur þó huggað sig við að Mark Delaney er óðum að braggast eftir að hafa verið frá nánast allt tímabilið og ekki veitir af, því varnarleikur Villa hefur ekki alltaf verið upp á marga fiska í vetur.
