Rautt á Arsenal og United

Nú er að færast fjör í leikinn í Meistaradeildinni, en tveir leikmenn hafa fengið að líta rauða spjaldið í leikjum kvöldsins. Þetta eru þeir Wayne Rooney hjá Manchester United og Robin van Persie hjá Arsenal. Enn er markalaust hjá Villareal og Manchester United, en bæði lið hafa fengið ágæt marktækifæri. Það var þó brottrekstur Rooney nú rétt áðan sem bar hæst, en hann ógnaði dómara leiksins eftir að hafa fengið að líta gula spjaldið og var réttilega rekinn af velli fyrir þessa glórulausu framkomu sína. Allt er í járnum hjá Arsenal og Thun, en þar er staðan 1-1 og heimamenn eru að leika manni færri eftir að Robin van Persie var rekinn af velli rétt fyrir hálfleikinn. Bayern Munchen er yfir 1-0 gegn Rapid, Sparta Prag er yfir 1-0 gegn Ajax og Pavel Nedved hefur komið Juventus yfir gegn Brugge. Staðan í leik Barcelona og Werder Bremen er enn 1-0 fyrir Barcelona og Udinese er yfir 2-0 gegn Panathinaikos.