Benitez þurfti að hvíla Gerrard

Rafael Benitez, knattspyrnstjóri Liverpool, segir að ástæðan fyrir því að hann hafði fyrirliðann Steven Gerrard ekki í byrjunarliðinu gegn Real Betis í gær, hafi verið þreyta leikmannsins. "Ég verð bara að gefa mönnum frí annað veifið til að ofgera þeim ekki. Álagið er mikið og þegar liðið er í hörðum átökum á öllum vígstöðvum, verður maður að hvíla leikmenn sína annað slagið," sagði Benitez, sem eflaust hefur verið með hugann við leikinn gegn Manchester United í úrvalsdeildinni um helgina.