Hefur augastað á Arjen Robben

Martin Jol hefur áhuga á að kaupa hollenska vængmanninn Arjen Robben til Tottenham ef hann verður á lausu og í viðtali við hollenska sparksíðu sagði stjórinn að Tottenham ætti nóg af peningum og myndi gera tilboð í Robben ef sú staða kæmi upp. Robben er sagður hafa verið upp á kant við stjóra sinn Jose Mourinho undanfarið.

"Ef eitthvað er til í því að séu vandræði í kring um Robben hjá Chelsea, munum við gera stórt tilboð í hann. Við eigum peninga til að kaupa dýra leikmenn og það þýðir að við getum náð okkur í góða leikmenn," var haft eftir Jol á síðunni.

Þessi ummæli eru reyndar ekki mjög í takt við það sem hinn dagfarsprúði knattspyrnustjóri lætur venjulega hafa eftir sér, en á hinn bóginn er vitað að Tottenham hefur mikinn áhuga á að fá leikmanninn frá grönnum sínum.