Makalele með fæturna á jörðinni

Claude Makalele, miðjumaður Chelsea, er með fæturna á jörðinni þrátt fyrir að liðið hafi yfirstigið þá hindrun sem Barcelona var í Meistaradeildinni á þriðjudaginn. Hann segir liðið verða að læra af reynslunni - ella muni liðið ekki ná að fara alla leið í ár. "Þetta var ekki fullkomið hjá okkur," segir Makalele. "Í stöðunni 3-0 skorti okkur reynslu. Við hefðum aldrei átt að gefa þeim færi á að komast aftur inn í einvígið. Við verðum að læra af þessum leik ef við ætlum okkur að komast í undanúrslit."