Lögregla leitar innbrotsþjófa

Lögreglan leitar nú þess eða þeirra sem brutust inn í apótekið á Hellu í nótt. Rúða var brotin í apótekinu og skemmdir unnar þar. Ekki er ljóst hvort einhverju var stolið en þó er víst að það hafi ekki verið mikið. Þetta gerðist á fimmta tímanum og hófst þegar leit að þeim sem þar voru að verki. Aðstoðar var leitað hjá Selfosslögreglunni sem var með varðstöðu á Suðurlandsvegi. Að sögn lögreglunnar á Hvolsvelli hefur eftirgrennslan staðið yfir og hefur fréttastofan heimildir fyrir því að farið hafi verið heim að að minnsta kosti einum bæ í nágrenninu.