Federer sigraði á opna bandaríska

Svisslendingurinn Roger Federer sigraði Andre Agassi í úrslitaleik opna bandaríska meistaramótsins í tennis sem fram fór í New York í gærkvöldi. Agassi veitti góða mótspyrnu, en Federer undirstrikaði með sigrinum að hann er besti tennisleikari í heiminum í dag. Federer sigraði 6-3, 2-6, 7-6 (7-1) og 6-1, en þetta var sjötti sigur hans á risamóti á árinu og annar sigur hans á opna bandaríska meistaramótinu. "Þetta var eftirminnilegasti sigur minn á stórmóti á ferlinum og að spila úrslitaleik gegn Agassi hérna í New York ef frábært. Ég þurfti á öllu mínu besta að halda og enn og aftur tókst mér að ná því fram í úrslitaleik, sem er virkilega gaman," sagði Federer.