Kaffi kemur í stað öls

Kaffi til að taka með, kebab-skyndibiti, sturtugel og duft í megrunardrykki eru meðal nýrra neysluvara í vörukörfu ­bresku­­­ hagstofunnar. Í vörukörfunni eru 650 vöru- og þjónustutegundir og endurspeglar hún neyslumunstur almennings.

Hún er grunnurinn að smásöluvísitölunni sem er uppfærð árlega og er einn helsti mælikvarðinn á verðbólgu í Bretlandi. Meðal þess sem fer út af listanum er dökkur bjór, lageröl á krana, karlmannsbelti, klukka sem gengur fyrir rafhlöðum, landlínusími, hljómborð og þurrmatur fyrir ketti.