Kerry með nær helmings fylgi

John Kerry fengi nær helming atkvæða ef kosið yrði nú samkvæmt nýrri skoðanakönnun Ipsos fyrir AP. Samkvæmt henni nýtur Kerry stuðnings 49 prósenta líklegra kjósenda en 46 prósent vilja George W. Bush. Munurinn er þó innan skekkjumarka. Flestar kannanir síðustu daga hafa sýnt nokkurra prósentustiga forskot Bush, oft innan skekkjumarka. Samkvæmt könnun Quinnipiac-háskóla sem birt var í gær hefur Bush 48 prósenta fylgi í Flórída en Kerry nýtur stuðnings 47 prósenta kjósenda.