Enn talað um eitrun

Úr hverju dó Arafat? Þessari spurningu hefur ekki verið svarað með fullnægjandi hætti, og enn er því haldið fram að honum hafi verið byrlað eitur. Skortur á afgerandi sjúkdómsgreiningu hefur ýtt undir miklar sögusagnir í Arabaheiminum um að Arafat hafi verið byrlað eitur. Vitað er að hann þjáðist af nýrnabilun og lifrarbilun, en þegar ungur frændi Arafats, Al-Kidwa, fékk afhenta tæplega 560 síðna langa sjúkraskrá hans, gagnrýndi hann að dánarorsökin kæmi hvergi fram. Al-Kidwa, sem er fulltrúi Palestínu hjá Sameinuðu þjóðunum, segist enn gruna að eitrað hafi verið fyrir Arafat. Frönsk yfirvöld segja engar vísbendingar um slíkt, en Al-Kidwa segir á móti að það hafi heldur ekki verið útilokað. Á meðan ekki verði fengið algerlega á hreint hver dánarorsökin hafi verið, sé alltaf sá möguleiki fyrir hendi að dánarorsökin hafi ekki verið eðlileg.