Kanar jákvæðir

Meirihluti Bandaríkjamanna segjast vera jákvæðir gagnvart öðru kjörtímabili George W. Bush sem forseta, en margir hafa einnig áhyggjur af nokkrum stefnumálum, eftir því sem kemur fram í New York Times/CBS News skoðanakönnun. 56 prósent Bandaríkjamanna segjast hafa jákvæðar tilfinningar gagnvart næstu fjórum árum með Bush við stjórnvölinn, en 39 prósent sögðust svartsýnir. 48 prósent sögðust telja að Bush myndi skipta landinu í tvennt, en einungis 40 prósent sögðust trúa að hann myndi sameina landið. Þá sögðu 51 prósent að það væri ólíklegt að Bush myndi tryggja þeim félagslegar bætur.