Flestir sýktir á Indlandi

Fleiri eru smitaðir af alnæmi á Indlandi en í Suður-Afríku, segir talsmaður virtra alþjóðlegra samtaka sem berjast gegn sjúkdómnum. Samkvæmt nýjustu tölum Sameinuðu þjóðanna eru 5,6 milljónir Suður-Afríkubúa smitaðar af alnæmi en 5,1 milljón Indverja. Richard G.A. Feachem, framkvæmdastjóri samtakanna, dregur þessar tölur stórlega í efa og segir að tölurnar frá Indlandi séu mjög ónákvæmar. Indverjar séu rúmlega milljarður talsins og fjölmargir íbúa landsins viti einfaldlega ekki af því að þeir séu sýktir.