Egypskur gísl afhöfðaður

Myndband þar sem egypskur gísl í haldi mannræningja í Írak er afhöfðaður birtist á íslamskri vefsíðu í dag. Á myndbandinu segist hann heita Mohammed Mutawalli og hafa unnið fyrir bandaríska herliðið í landinu, meðal annars við njósnir. Honum er svo ýtt í gólfið af grímuklæddum mönnum, höfuð hans skorið af og því haldið fyrir framan myndavélina. Talið er að mannræningjarnir séu fylgismenn Al-Kaída liðans Abu Musab al-Zarqawi sem meðal annars hefur staðið fyrir afhöfðun Bandaríkjamanns, Suður-Kóreumanns og Búlgara í Írak á undanförnum vikum.