Par rændi barni í Ástralíu

Ástralskt par rændi þriggja vikna barni frá móður þess, með því að úða piparúða í augu hennar, fyrir utan verslunarmiðstöð í Melbourne í gærkvöldi. Móðirin grátbiðu ræningjana um að skila barninu. Lögreglan leitar að pari á þrítugsaldri vegna málsins. Parið réðst að Anitu Ciancio, í bílageymslu fyrir utan Brimbank verslunarmiðstöðina í Melbourne í gærkvöldi, spreyjaði piparúða framan í hana, og rændi frá henni þriggja vikna dóttur hennar, Montana. Lögregla hefur lýst eftir parinu sem sést á myndum úr öryggismyndavélum verslunarmiðstöðvarinnar. Parið fór með barnið í annan bíl og keyrði í burtu. Anita hefur verið með dóttur sína á brjósti og hefur hún mestar áhyggjur af því að stúlkan hafi ekki fengið að drekka frá því að henni var rænt í gærkvöldi.