Umdeild lög sett í Rússlandi

Rússneska þingið samþykkti í dag lög sem kveða á um að ýmis niðurgreiðsla á opinberri þjónustu verði felld niður. Lögin er hluti af umsvifamiklum umbótum á velferðakerfinu í Rússlandi. Það er forseti landsins, Vladimir Pútín, sem stendur á bak við lagabreytingarnar en þær eru hluti af umsvifamiklum breytingum á velferðarkerfinu. Má segja að Rússar hafi nú endanlega sagt skilið við velferðarkerfi Sovíetríkjanna. Lögin voru samþykkt í lægri deild Dúmunnar með miklum meirihluta þingmanna en margir Rússar eru mjög óánægðir með lögin og mótmæli í borginni hafa staðið yfir í nokkra daga. Lögin afnema niðurgreiðslur í tengslum við ýmsa opinbera þjonustu, svo sem almenningssamgöngur og lyf. Þess í stað á að taka upp bótakerfii eða beingreiðslur til fátækra. Breytingarnar koma til með að hafa mest áhrif hjá um þrjátíu milljónum Rússa sem lifa undir fátæktarmörkum. Talsmenn laganna segja að með bótakerfinu verði hægt að styðja betur við bakið á fátækum en gagnrýnendur segja að bæturnar verði étnar upp í verðbólgunni og komi aldrei í staðinn fyrir lág gjöld á almennri þjónustu. Einn ellilífeyrisþegi í Moskvu segir óréttlátt að hætta með ókeypis almenningssamgöngur. Bæturnar sem fólk fái í staðinn á þriggja mánaða fresti dugi skammt því það verði að taka mið af verðbólgunni. Á meðfylgjandi mynd sést fólk í Moskvuborg mótmæla lögunum með því að henda mynd af forseta Rússlands, Vladimir Pútín, út á götu.