Fjölgar í 30 ár enn

Kínverjar telja tæpan einn og hálfan milljarð eftir þrjátíu ár en eftir það fer þeim að fækka. Þannig hljómar ný mannfjöldaspá kínverskra stjórnvalda. "Landsmönnum fjölgar um tíu milljónir árlega og verða flestir 1.460 milljónir um miðjan fjórða áratuginn," sagði Zhang Weiqing, yfirmaður mannfjöldamála, í viðtali við kínverskt dagblað. Spá Zhang gerir ráð fyrir lægri hámarksfjölda Kínverja en áður hefur verið spáð. Í ágúst var talið að Kínverjar yrðu 1,550 milljarðar eftir þrjátíu til fjörutíu ár.