Lögreglumenn fá byssur að nýju

Ísraelska varnarmálaráðuneytið hefur samþykkt að leyfa palestínskum lögreglumönnum að bera byssur að nýju til að stuðla að auknum friði fyrir botni Miðjarðarhafs. Þetta er haft eftir ísraleskum ráðamanni en flestir meðlimir lögreglu- og öryggissveita Palestínumanna hættu að bera skotvopn fyrir rúmum tveimur árum eftir að nokkrir lögreglumenn voru drepnir í bardögum við Ísraela. Palestínumenn höfðu lagt fram beiðni þessa efnis en ráðherra samningamála Palestínu, Saeb Erekat, sagðist ekki hafa fengið staðfestingu á samþykktinni nú fyrir stundu. Myndin er af palestínskum skæruliðum sem spyrja líklega ekki hvort þeir megi bera byssur.