Skaut sig í rassinn

Bandarískur maður sem var uggandi eftir að hafa heyrt fréttir af hættulegum glæpamanni sem gengi laus nærri heimili sínu endaði á því að skjóta sig í rassinn. Drew Patterson vildi vera við öllu búinn ef hann mætti glæpamanninum og tróð skammbyssu í rassvasann. Það tókst ekki betur til en svo að skot reið af og fór í beint í rasskinnina. Fyrst varð Patterson ekki var við neitt en fann fljótlega stingandi sársauka og áttaði sig þá á því hvað hafði gerst. Hann segir þetta eitthvað það neyðarlegasta sem hafi komið fyrir sig.