Ráðherra segir af sér

Dómsmálaráðherra Palestínu, Nahed Arreyes, sagði af sér í gær eftir að hafa verið sviptur lykilvöldum að eigin sögn. Þó hann hafi ekki minnst á Arafat í afsögn sinni er óánægja hans talin stafa vegna þess að Arafat stofnaði hliðstætt ráðuneyti fyrir nokkrum mánuðum og hefur því tögl og hagldir í dómskerfinu. Afsögn Arreyes þykir til marks um vaxandi stjórnarkreppu meðal Palestínumanna. Í síðasta mánuði sagði forsætisráðherra Palestínu af sér en dró afsögn sína til baka eftir að Arafat lofaði honum auknum völdum en ekkert hefur bólað á þeim.