Prósak í drykkjarvatni

Leifar af þunglyndislyfinu Prósak hefur fundist í drykkjarvatni í Bretlandi. Breska dagblaðið the Observer greinir frá því í dag að skýrsla sem umhverfissérfræðingar unnu fyrir ríkisstjórnina leiði í ljós að Prósak safnist saman í ám og grunnvatni sem notað sé til veitu drykkjarvatns. Ekki er ljóst hversu mikið magn af þunglyndislyfingu hefur greinst en varað er við hugsanlegum eituráhrifum í skýrslunni. Talsmaður heilbrigðiseftirlitsstofnunar í Bretlandi segir ólíklegt að efnið sé í slíku magni að af því stafi hætta. Umhverfissinnar krefjast þess hins vegar að málið verði rannsakað til hlýtar. Neysla þunglyndislyfja hefur aukist gríðarlega undanfarin ár í Bretlandi.