Verjandi Milosevic vill hætta

Verjandi Slobodans Milosevic, fyrrum Júgóslavíuforseta, hefur óskað eftir því að vera leystur frá vörn Milosevic. Steven Kay hefur áður kvartað undan því að hann geti ekki varið Milosevic vegna þess að forsetinn fyrrverandi neitar öllu samstarfi við hann auk þess sem hann eigi erfitt með að hafa upp á vitnum sem séu reiðubúin að mæta fyrir rétt. Milosevic vill verja sig sjálfur en eftir miklar tafir vegna veikinda hans ákváðu dómarar að skipa verjanda fyrir hann. Milosevic áfrýjaði þeirri niðurstöðu en endanlegur dómur hefur ekki fengist.