Viðskipti innlent

Guðmundur Arnar til Wow

Guðmundur Arnar Guðmundsson hefur hafið störf sem framkvæmdastjóri markaðssviðs Wow air. Meginverkefni hans hjá Wow verður að byggja upp markaðsstarf félagsins bæði heima og erlendis en Wow hefur, sem kunnugt er, flug frá Íslandi til 12 áfangastaða í Evrópu þann 1. júní næstkomandi. Guðmundur hefur starfað hjá Icelandair frá árinu 2006. Hann er menntaður hagfræðingur frá Acadia University í Kanada og er með MBA gráðu frá Háskóla Íslands.

Vodafone segir upp 28 manns

Stjórnendur fjarskiptafyrirtækisins Vodafone sögðu í dag upp 28 manns. Ástæðan er sögð vera hagræðing í rekstri. Hrannar Pétursson, upplýsingafulltrúi fyrirtækisins, segir miklar kostnaðarhækkanir hafa dunið á fyrirtækinu á undanförnum misserum. Þær hagræðingaraðgerðir sem þegar hafi verið gripið til hafi ekki dugað og því hafi þurft að grípa til þessara aðgerða.

Verslunarmenn og iðnaðarmenn vilja að samningarnir haldi

Bæði Landssamband íslenskra verslunarmanna og Samiðn vilja að kjarasamningar sem ASÍ gerði í maí í síðastliðnum mánuði haldi, en tekin verður ákvörðun um það á morgun hvort samningunum verður sagt upp eða ekki. ASÍ mun halda formannafund i dag þar sem sjónarmiðum Samiðnar verður komið á framfærum. Miðstjórn Samiðnar skorar hins vegar á ríkisstjórnina að breyta orðum í athafnir og standa við gefin fyrirheit um eflingu atvinnulífs og jöfnun lífeyrisréttinda.

Íslandsbanki veitir nýsköpunarstyrki upp á 8 milljónir

Íslandsbanki hefur ákveðið að styrkja sprotafyrirtækið GÍRÓ um þrjár milljónir króna og menntastofnanir innan íslenska sjávarklasans svokallaða um fimm milljónir. Bankinn hefur lagt áherslu á þessi tvö svið í sinni starfsemi, þ.e. orkuiðnað og sjávarútveg.

Spáir því að verðbólgan fari í 6,2%

Greining Arion banka spáir því að ársverðbólgan fari í 6,2% í janúar. Þetta er umtalsverð hækkun frá desember þegar verðbólgan mældist 5,3%.

Tapa alltaf á fyrsta og fjórða í skjóli tekna sumarsins

Björgólfur Jóhannsson, forstjóri Icelandair Group, segir að Icelandair tapi nær alltaf á fyrsta og fjórða ársfjórðungi, vetrarflugið sé þannig. Hins vegar borgi það sig að vera með öfluga starfsemi yfir veturinn því það skili sér margfalt yfir sumartímann.

Forstjóri Icelandair Group segir engin rök fyrir því að færa völlinn

Forstjóri Icelandair segir að engin rök séu fyrir því að loka Reykjavíkurflugvelli og flytja innanlandsflugið úr Vatnsmýrinni. Hann segir að fremur standi rök til þess að færa millilandaflugið nær höfuðborgarsvæðinu, ef þess er kostur.

Byggingavísitalan lækkaði

Vísitala byggingarkostnaðar lækkaði um 1,0% frá fyrri mánuði og er nú 111,2 stig, samkvæmt tölum Hagstofunnar. Verð á innfluttu efni lækkaði um 4,2% en verð á innlendu efni hækkaði um 0,6%. Á síðustu tólf mánuðum hefur vísitala byggingarkostnaðar aftur á móti hækkað um 9,6%.

Tveir nýir starfsmenn hjá Straumi

Straumur fjárfestingabanki hefur ráðið tvo nýja starfsmenn. Halla Sigrún Hjartardóttir hefur verið ráðin framkvæmdastjóri fyrirtækjaráðgjafar Straums fjárfestingabanka hf. Halla starfaði áður hjá Íslandsbanka á árunum 2002-2011 síðast sem forstöðumaður fyrirtækjaráðgjafar. Halla er með BS.c. gráðu frá Háskólanum í Reykjavík og próf í verðbréfamiðlun.

Kröfuhafar tapa milljörðum

Brynjar Níels: Óheppilegt að ráðherra tjái sig um dómsmál

Ummæli Ögmundar Jónassonar innanríkisráðherra um Landsdómsmálið eru umdeild en að mati sumra fela þau í sér afskipti af störfum dómstóla. Flokksbróðir Ögmundar hefur krafist þess að hann segi af sér embætti. Brynjar Níelsson, formaður Lögmannafélags Íslands, telur óheppilegt yfirleitt að ráðherra dómsmála tjái sig um mál sem séu rekin fyrir dómstólum.

Múrbúðin kærir Byko

Baldur Björnsson, framkvæmdastjóri Múrbúðarinnar, hefur kært Byko til Neytendastofu vegna auglýsinga- og kynningarherferðar sem Byko hóf eftir áramótin. Baldur segir að herferðin feli í sér rangar og villandi upplýsingar og vill að Neytendastofa rannsaki málið og grípi til viðeigandi aðgerða.

Ásmundur Tryggvason ráðinn til Íslandsbanka

Ásmundur Tryggvason hefur hafið störf hjá Íslandsbanka sem forstöðumaður Fyrirtækjaráðgjafar, að því er segir í tilkynningu frá Íslandsbanka.

Meirihluti íslenskra fyrirtækja rekinn með tapi á síðasta ári

Á hverju ári frá 1998 hefur um helmingur félaga á Íslandi verið í taprekstri. Tæplega 13 þúsund félög skiluðu tapi árið 2011 og tæplega 12 þúsund skiluðu hagnaði. Tvö þúsund félög voru ekki með neinn rekstur.

Keflavíkurflugvöllur sá næst besti í heiminum

Keflavíkurflugvöllur er í öðru sæti yfir bestu flugvelli heimsins samkvæmt árlegum lista sem ferðavefurinn Frommer gefur út. Í efsta sætinu er Hajj flugvöllurinn í Jeddah í Saudi Arabíu.

Minnsta atvinnuþátttaka frá upphafi mælinga Hagstofunnar

Á fjórða ársfjórðungi í fyrra voru 175.700 á vinnumarkaði sem jafngildir 78,4% atvinnuþátttöku sem er lægsta hlutfall sem Hagstofan hefur mælt frá upphafi vinnumarkaðsrannsókna árið 1991.

Slitastjórn greiðir út 106 milljarða kröfur

Forgangskröfuhafar í þrotabú Glitnis munu fá kröfur sínar greiddar fyrir febrúarlok samkvæmt tillögu slitastjórnar. Heildarvirði þeirra er 106 milljarðar króna. Um 60% upphæðarinnar fara inn á geymslureikninga vegna ágreinings.

Fasteignaverð í borginni hækkaði um 10% í fyrra

Fasteignaverð á höfuðborgarsvæðinu hækkaði um rétt tæp 10% á síðasta ári. Þetta kemur fram á vefsíðu Þjóðskrár Íslands.

Reginn fasteignafélag semur við Nýherja

Reginn fasteignafélag, hefur valið Nýherja til að annast rekstur á upplýsingakerfum þess og mun Nýherji halda utan um rekstur á tölvu- og netkerfum Regins.

Fyrirtæki hafa fengið 550 milljarða skuldir felldar niður

Eftirgjöf skulda hjá fyrirtækjum landsins frá hruninu 2008 nemur samtals tæpum 550 milljörðum króna eða sem svarar til þriðjungi af landsframleiðslu landsins.

Hlutur í Íslandsbanka í söluferli

Vilja fá 34 milljarða

Slitastjórn Landsbankans hefur stefnt fyrrverandi bankaráði Landsbanka Íslands og fyrrverandi bankastjórum og krafið þá um samtals þrjátíu og fjóra milljarða króna vegna gífurlegs útflæðis fjármagns úr bankanum daginn áður en hann féll. Björgólfi Guðmundssyni er ekki stefnt þar sem hann hefur verið úrskurðaður gjaldþrota

Segir málshöfðun ekki standast skoðun

Kjartan Gunnarsson, fyrrverandi varaformaður bankaráðs Landsbankans, segir að hann og lögmenn sínir telji að málshöfðun slitastjórnar Landsbankans gegn sér standist ekki skoðun. Málshöfðunin byggi á því að sér hafi, sem bankaráðsmanni Landsbanka Íslands, verið ljóst eða mátt vera ljóst að bankinn væri ógjaldfær í upphafi dagsins 6. október 2008 og honum hafi borið að gera ráðstafanir til að tryggja að ekki færu greiðslur út úr bankanum þennan dag.

Slitastjórn Landsbankans stefnir bankaráði og stjórnendum

Slitastjórn Landsbankans hefur ákveðið að stefna fjórum fyrrum bankaráðsmönnum Landsbankans og bankastjórunum Sigurjóni Þ. Árnasyni og Halldór J. Kristjánssyni og krafist 34 milljarða króna.

Reginn semur við Nýherja

Reginn fasteignafélag, hefur valið Nýherja til að annast rekstur á upplýsingakerfum þess og mun Nýherji halda utan um rekstur á tölvu- og netkerfum Regins. Í tilkynningu frá Nýherja segir að Reginn hafi valið rekstrar- og hýsingarþjónustu Nýherja í kjölfar verðkönnunar sem var haldin á vegum þess seint á síðasta ári.

Vildi að metið yrði hvort Kaupþing hefði tapað á afléttingu ábyrgða

Hæstiréttur hefur hafnað kröfu Sigurðar Einarssonar, fyrrverandi stjórnarformanns Kaupþings, um að óháðir matsmenn kanni hvert virði eignarhluta hans í Kaupþingi banka var árið í lok september 2008.

Segja landsframleiðslu 100 milljörðum minni en spáð var

Hagvöxtur verður miklu minni á næsta ári en spáð var, segir í bréfi sem Samtök atvinnulífsins sendu alþingismönnum í dag. Í bréfinu er fjallað um framgang mála í yfirlýsingu ríkisstjórnarinnar í tengslum við kjarasamninga 5. maí 2011. Í bréfinu segir að mikið beri í milli á mati SA og ríkisstjórnarinnar á því hvernig tekist hafi til en veigamest af öllu sé að uppgangur í atvinnulífinu hafi ekki orðið eins og stefnt hafi verið að. Fjárfestingar í atvinnulífinu aukist ekki eins og þurfi til þess að störfum fjölgi og atvinnuleysi minnki umtalsvert.

Íbúðalánasjóður lækkar útlánsvexti sína

Íbúðalánasjóður hefur ákveðið að lækka útlánavexti sjóðsins sem hér segir: Útlánavextir íbúðalána með uppgreiðsluákvæði verða 4,20% og 4,70% á íbúðalán án uppgreiðsluákvæðis. Hin nýja vaxtaákvörðun tekur gildi í dag, 17. janúar 2012.

Finnbogi hætti í kjölfar óánægju

Finnbogi Jónsson, fyrrverandi framkvæmdastjóri Framtakssjóðs Íslands (FSÍ), hætti störfum hjá sjóðnum í byrjun janúar í kjölfar töluverðrar óánægju meðal eigenda sjóðsins með störf hans. Krafa var um að Finnboga yrði sagt upp störfum og í kjölfarið ákvað hann sjálfur að segja starfi sínu lausu. Á meðal þeirra mála sem ollu óánægju í eigendahópnum voru höfnun á tilboði fjárfestingafélagsins Tríton í Icelandic, ráðning Lárusar Ásgeirssonar sem forstjóra Icelandic, kaup sjóðsins í N1 og það sem margir í eigendahópi FSÍ vildu meina að væri eðlisbreyting á hlutverki sjóðsins. Þetta hefur Fréttablaðið eftir heimildum víðs vegar úr eigendahópi FSÍ.

Fitch sér möguleika á að hækka lánshæfiseinkunn Íslands

Í nýrri skýrslu matsfyrirtækisins Fitch Ratings segir að áætlun Seðlabankans um að losa um gjaldeyrishöftin með því að kaupa evrur í skiptum fyrir íslenskar krónur sé skref í rétta átt.