Reginn fasteignafélag semur við Nýherja

Reginn fasteignafélag, hefur valið Nýherja til að annast rekstur á upplýsingakerfum þess og mun Nýherji halda utan um rekstur á tölvu- og netkerfum Regins.

Í tilkynningu segir að félagið valdi rekstrar- og hýsingarþjónustu Nýherja í kjölfar verðkönnunar sem var haldin á vegum þess seint á síðasta ári.

„Við leggjum ríka áherslu á vönduð og öguð vinnubrögð við rekstur tölvukerfa okkar og varðveislu gagna. Við bindum því miklar vonir við samstarf okkar við Nýherja, einkum með tilliti til gæða og hagkvæmni í rekstri okkar kerfa,"segir Helgi S. Gunnarsson framkvæmdastjóri Regins fasteignafélags.

„Útvistun upplýsingakerfa hjá fyrirtækjum felur í sér hagræði og aðgang að sérfræðiþjónustu. Við bjóðum Reginn velkominn í hóp ört vaxandi hóp viðskiptavina í rekstarþjónustu," segir Þorvaldur Jacobsen, framkvæmdastjóri Tæknisviðs Nýherja.

Frá stofnun Regins árið 2009 hefur félagið stækkað ört og er eignasafn meðal verðmætari fasteignasafna landsins. Reginn fasteignafélag , verður skráð í Kauphöll Íslands á fyrri hluta þessa árs og er undirbúningur að skráningu í fullum gangi.