Viðskipti innlent

Gylfi lokar NASDAQ markaðnum

Gylfi Magnússon, viðskiptaráðherra, og Birkir Hólm Guðnason, framkvæmdastjóri Icelandair, munu loka NASDAQ markaðnum við hátíðlega athöfn í dag að NASDAQ MarketSite sem er á Times Square í hjarta í New York. Athöfnin hefst klukkan 15:45 að bandarískum tíma eða klukkan 19:45 að íslenskum tíma.

Viðskipti innlent

Yfirtökutilboð Ágúst og Lýðs lækkað

Fjármálaeftirlitið hefur lækkað lágmarksverð í yfirtökutilboði félagsins BBR ehf, sem er í eigu bræðranna Lýðs og Ágústs Guðmundssona, í Exista. Félagið var skylt til þess að taka yfir Exista ehf en þá var verðið 4,62 á hlut. Nú er það 0,02 á hlut.

Viðskipti innlent

Hudson í HR og á fundi Framsóknar

Michael Hudson, rannsóknarprófessor í hagfræði við Háskólann í Missouri, heldur fyrirlestur við Háskólann í Reykjavík í hádeginu á morgun. Í tilkynningu frá Háskólanum kemur fram að í fyrirlestrinum lýsi dr. Hudson í stuttu máli skoðun sinni á erlendri skuldastöðu Íslands, aðdraganda og valkostum við úrlausn hennar, þ.m.t. aðkomu Alþjóðagjaldeyrissjóðsins að málinu.

Viðskipti innlent

Engir fjármunir færðir frá Spron yfir í Nýja Kaupþing

Í ljósi umræðu í fjölmiðlum í dag vill Nýja Kaupþing árétta að í kjölfar þess að Fjármálaeftirlitið tók yfir rekstur SPRON fóru stjórnvöld þess á leit við Nýja Kaupþing að allar innstæður fyrrum viðskiptavina SPRON og nb.is færðust yfir til bankans. Í tilkynningu frá Nýja Kaupþing segir að meginmarkmið stjórnvalda með þessu hafi verið að tryggja aðgengi fyrrum viðskiptavina SPRON að innstæðum sínum enda eru allar innstæður tryggðar samkvæmt yfirlýsingu ríkistjórnarinnar.

Viðskipti innlent

Landsbankinn boðar til blaðamannafundar

Landsbankinn hefur boðað til blaðamannafundar klukkan hálffimm dag í höfuðstöðvum bankans í Austurstræti. Á fundinum verður Ásmundur Stefánsson, bankastjóri Landsbankans, með stutta kynningu. Í tilkynningu frá bankanum kemur ekki fram hvert tilefni fundarsins er.

Viðskipti innlent

Greining Íslandsbanka spáir vaxtalækkun upp á 1 prósentustig

Greining Íslandsbanka spáir því í morgunkorni sínu að peningastefnunefnd Seðlabanka Íslands ákveði að lækka stýrivexti á miðvikudag um eitt prósentustig. Um er að ræða aukavaxtaákvörðunardag en vegna óvissu um horfur í hagkerfinu og samspil vaxta og gengis taldi nefndin á síðasta fundi sínum rétt að fjölga vaxtaákvörðunarfundum sínum. „Verður vaxtaákvörðun því í fyrstu viku hvers mánaðar frá apríl til júlí og í annarri viku ágústmánaðar," segir í morgunkorninu.

Viðskipti innlent

Engar viðræður við AGS um upptöku evru

Stjórnvöld hafa ekki átt í viðræðum við fulltrúa Alþjóðagjaldeyrissjóðsins um einhliða upptöku evru í stað íslensku krónunnar. Þetta kom fram í máli Steingríms J. Sigfússonar, fjármálaráðherra, á Alþingi í dag þegar að Sigurður Kári Kristjánsson, þingmaður Sjálfstæðisflokksins, spurði hann út í trúnaðarskýrslu sem breska dagblaðið Financial Times komst yfir.

Viðskipti innlent

Fleiri fjárfesta í sprotafyrirtækjum

Stór fyrirtækjakaup heyra sögunni til í bili og hafa fjárfestingasjóðir í Evrópu beint sjónum sínum í auknum mæli að fjárfestingum í sprota- og nýsköpunarfyrirtækjum. Þetta segir Kimberly Romaine, ristjóri breska tímaritsins Unquote.

Viðskipti innlent

Jákvæð vöruskipti

Vöruskipti voru jákvæð um 8,3 milljarða króna í mars, samkvæmt bráðabirgðatölum Hagstofunnar. Verðmæti vöruútflutnings nam 34,9 milljörðum króna á óbreyttu gengi í mánuðinum en verðmæti innflutnings 26,6 milljörðum króna á sama tíma.

Viðskipti innlent

Eik tapaði 31,6 milljónum

Eik fasteignafélag tapaði 31,6 milljónum króna á síðasta ári samanborið við 1,7 milljarða króna hagnað í hittiðfyrra. Í uppgjöri félagsins kemur fram að reksturinn hafi gengið mjög vel þrátt fyrir mjög erfið skilyrði.

Viðskipti innlent

Opnun útibúa SPRON frestast

MP Banki mun ekki geta opnað á ný þrjú útibú SPRON á mánudag eftir helgi eins og stefnt var að þegar gengið var frá samkomulagi við skilanefnd SPRON um kaup MP Banka á Netbankanum og útibúaneti SPRON. Ekki er hægt að tilgreina nýja opnunar dagsetningu á þessari stundu.

Viðskipti innlent

Sparisjóðurinn í Keflavík tapaði 19 milljörðum

Sparisjóðurinn í Keflavík tapaði 19 milljörðum króna fyrir skatta í fyrra. Afkoma sjóðsins var neikvæð um 17.042 milljónir króna að teknu tilliti til tekjuskatts. Eiginfjárhlutfall Sparisjóðsins er 7,06%. Afkoma Sparisjóðsins fyrir skatta var neikvæð um 19.064 milljónir króna. Fram kemur í tilkynningu á vef Kauphallarinnar að tap Sparisjóðsins má fyrst og fremst rekja til eignarýrnunar vegna efnahagshrunsins og varúðarniðurfærslu á útistandandi kröfum.

Viðskipti innlent

Kaupþing yfirtekur Sparisjóð Mýrasýslu

Sparisjóður Mýrasýslu hefur samið við stærstu lánadrottna sína og gert samning við Nýja Kaupþing um að bankinn kaupi allar eignir sparisjóðsins. Í tilkynningu segir að þetta hafi verið gert til þess að tryggja áframhaldandi þjónustu við viðskiptavini sjóðsins og með hagsmuni samfélagsins í huga.

Viðskipti innlent

Rannsóknarnefndin: 100 stærstu viðskiptavinir með helming lánanna

Útlán Glitnis, Kaupþings og Landsbankans til 100 stærstu lántakenda þeirra námu um helmingi af heildarútlánum bankanna þriggja. Þetta kemur fram í minnisblaði frá Rannsóknarnefnd Alþingis sem ætlað er að kanna bankahrunið. Nefndin stóð fyrir blaðamannafundi í dag þar sem þar sem Páll Hreinsson formaður og Tryggvi Gunnarsson kynntu framgang og stöðu rannsóknar nefndarinnar.

Viðskipti innlent

Mest lesið