Lífið

Styrktartónleikar Ljóssins

Páll Óskar og Diddú, Raggi Bjarna, Lay Low, Magni og Hera Björk eru á meðal þeirra sem koma fram á styrktartónleikum fyrir Ljósið 22. september í Háskólabíói. Tilefnið er fimm ára afmæli félagsins, sem var stofnað af hópi fólks sem vildi efla endurhæfingu fyrir þá sem greinast með krabbamein.

Lífið

Opnun á Bíó Paradís

Bíó Paradís var opnað með pompi og prakt fyrr í kvöld. Þar mættu fjölmargir gestir spenntir að sjá nýja kvikmyndahúsið, sem og opnunarmyndina Backyard eftir Árna Sveinsson, sem var afar vel tekið.

Lífið

Velur kjólana sjálf

Leikkonan Hilary Swank velur sjálf í hverju hún lætur sjá sig á rauða dreglinum. Hilary sem vekur oftar en ekki athygli fyrir að klæðast glæsilegum kjólum eftir heimsfræga hönnuði segist sjálf velja dressin sem hún klæðist á opinberum vettvangi. Hún viðurkennir að stílistinn Tanya Gill starfar fyrir hana þegar hún á lítinn tíma aflögu en annars sér hún um að máta og velja fötin sjálf. „Ég vil ráða hverju ég klæðist," sagði leikkonan Síðan Hilary flutti frá New York er hún ekki eins meðvituð um hvað er í tisku og hvað ekki að eigin sögn.

Lífið

Backyard frumsýnd í Bíó Paradís

Nýjasta kvikmyndahús landsins, Bíó Paradís, opnar dyr sínar fyrir gestum í kvöld. Þar er von á spennandi dagskrá næstu vikurnar eins og sjá má í auglýsingum og á heimasíðu bíósins.

Lífið

Nýtur þess að leika

Söngkonan Rihanna, 22 ára, fær mikið út úr því að leika í kvikmyndum að eigin sögn en um þessar mundir fer hún með hlutverk í nýrri kvikmynd sem ber heitið Battleship. Rihanna má ekki tjá sig um hlutverkið eða myndina en hún segist njóta þess að fá að leika. Ég nýt þess að leika og svo eru allir svo almennilegir," sagði Rihanna í viðtali við MTV sjónvarpsstöðina. Á móti Rihönnu leikur True Blood leikarinn, Alexander Skarsgård, sem Rihanna segir að sé afslappaður og þögull.

Lífið

Gerir 200 magaæfingar daglega

Kim Kardashian, 29 ára, gerir tvöhundruð magaæfingar á hverjum einasta degi til að halda línunum í lagi. „Uppáhaldið mitt er maginn á mér. Ég hef mikið fyrir því að halda honum sléttum og ég er virkilega ánægð með útkomuna. Ég er mjög stolt af maganum mínum. Ég geri allavegana 200 æfingar á dag - ég einfaldlega verð að gera þessar magaæfingar ef ég ætla að halda þessum líkama stinnum," sagði Kim. Kim er um þessar mundir að reyna eins og hún getur að forðast það að borða ruslfæði eins og pizzur en hún er sjúk í flatbökur. Ég þoli ekki mjaðmirnar á mér. Sama hvað ég hleyp mikið og oft þá minnkar ummálið ekki," sagði hún. Mjaðmirnar eru hluti af mér og ég er að reyna að sætta mig við þær.

Lífið

Frægðin gerir mig sorgmædda

Breska söngkonan Lily Allen segir að frægðin geri hana sára og leiða. Fyrr á þessu ári tilkynnti söngkonan að hún ætlaði að hvíla sig á tónlistarbransanum því hún vildi einbeita sér að því að styrkja samband hennar við unnustann Sam Cooper og takast á við nýjar áskoranir. Lily er barnshafandi af sínu fyrsta barni. „Mér líður eins og ég hafi skyndilega hætt í skóla. Fólk heldur að það sé æðislega gaman að vera poppstjarna en á endanum verður maður leiður og missir tengsl við sálina. Frægðin gerir mig sorgmædda. Ég vil gera eitthvað annað en að vera poppsöngkona. Eitthvað sem er gefandi og tengir mig við sjálfa mig," sagði Lily. „Ég er að taka áhættu með því að hætta í tónlistinni því það gekk vel en ég er sátt við hana."

Lífið

Megan eykur sjálfstraust eiginmannsins

Brian Austin Green lofar eiginkonu sína, leikkonuna Megan Fox, fyrir að auka sjálfstraustið hans og hvetja hann til að standa sig vel. Brian og Megan byrjuðu saman fyrir sex árum og hafa verið saman og sundur síðan þá. Þau komu mörgum á óvart með því að gifta sig óvænt á Hawaii fyrr á þessu ári en Brian segir að það sé besta ákvörðun sem hann hefur tekið í lífinu til þessa. Megan gerir Brian að betri manni og eflir hann til góðra verka að hans mati. Þegar ég og Megan hittumst var ég nýskilinn við barnsmóður mína og var án sonar míns. Það síðasta sem ég hafði áhuga á að takast á við var nýtt ástarsamband. Síðan þróuðust hlutirnir þannig að ég var hræddur við allt. Hræddur við fjölmiðla, fólk og hélt mig heima við," sagði Brian. Megan hjálpaði mér að takast á við óttann og að fá sjálfstraustið á ný. Við pössum einfaldlega fullkomlega saman," sagði hann. Megan var 18 ára þegar Brian hitti hana og féll fyrir henni.

Lífið

300. útsending KR-útvarpsins

Útvarp KR, FM 98,3, fagnar þeim merka áfanga að senda út sína 300. útsendingu á fimmtudag þegar KR tekur á móti Breiðabliki í Frostaskjóli.

Lífið

Eiga von á barni

Talsmaður leikkonunnar Penélope Cruz hefur staðfest að leikkonan og eiginmaður hennar, spænski leikarinn Javier Bardem, eigi von á sínu fyrsta barni í byrjun næsta árs.

Lífið

Airwaves í útvarpinu

Dagskrá útvarpsþáttarins Straumur á Xinu 977 verður næstu vikurnar tileinkuð Iceland Airwaves-tónlistarhátinni sem fer fram 13. til 17. október. Þátturinn verður alla þriðjudaga klukkan 20 til 22 fram að hátíð og þar verða kynntar flestar af þeim erlendu hljómsveitum sem koma fram á hátíðinni. Viðtöl verða tekin við íslenskar og erlendar hljómsveitir auk þess sem miðar á hátíðina verða gefnir. Á meðal flytjenda á Airwaves í ár eru Robyn, Hurts, Everything Everything, Bombay Bicycle Club, Mugison og Dikta.

Lífið

Ómar sýnir í Eldingu

Föstudagskvöldið 1. október mun Ómar Ragnarson sýna þrjár myndir á RIFF, Alþjóðlegri kvikmyndahátíð í Reykjavík, um borð í hvalaskoðunarskipinu Eldingu. Fyrst sýnir Ómar myndina One of the Wonders of the World. Hún er um 25 mínútna löng og fjallar um virkjanir og stóriðju á Íslandi. Tónlist Bjarkar Guðmundsdóttur hljómar í myndinni.

Lífið

Fékk styrk til Feneyjafarar

„Þetta var frábært,,“ segir framleiðandinn Katrín Ólafsdóttir nýkomin heim frá kvikmyndahátíðinni í Feneyjum þar sem stuttmynd hennar, Líf og dauði Henry Darger, var frumsýnd. Um tíma leit út fyrir að Katrín kæmist ekki út til að kynna myndina eins og Fréttablaðið greindi frá.

Lífið

Safnbox með Hendrix

Safnbox með sjaldheyrðum og óútgefnum lögum með Jimi Hendrix verður gefið út 15. nóvember í tilefni þess að fjörutíu ár eru liðin frá dauða hans.

Lífið

Bíó Paradís opnuð í kvöld

Þær hafa verið svefnlausar næturnar hjá aðstandendum Bíó Paradísar: Heimili kvikmyndanna. Í dag rennur svo stóri dagurinn upp þegar hin langþráða kvikmyndamiðstöð verður opnuð.

Lífið

Horn á höfði aftur á svið

Barnaleikritið Horn á höfði verður sýnt í Borgarleikhúsinu frá og með 18. september næstkomandi. Sýningin var upphaflega frumsýnd í Grindavík í fyrra en hún var valin Barnasýning ársins 2010 á Grímunni í vor.

Lífið

Dagbókin var sáluhjálparatriði

Meðal bóka sem væntanlegar eru í jólabókaflóðinu í ár er ævisaga Gunnars Thoroddsen forsætisráðherra eftir Guðna Th. Jóhannesson sagnfræðing. Við ritun bókarinnar fékk Guðni óheftan aðgang að afar persónulegum dagbókum Gunnars.

Lífið

Ljóð mega vera eins og Andrésblöð

Út er komin bókin Með mínu grænu augum, með frumortum ljóðum og þýðingum eftir Sverri Norland. Þetta er önnur ljóðabók Sverris og lokaverkefni hans til BA-prófs í ritlistarnámi við Háskóla Íslands.

Lífið

Sveppi rakar inn seðlum

Sverrir Þór Sverrisson er vinsælasta barnastjarna landsins. Það sannaðist rækilega um helgina þegar ellefu þúsund manns borguðu sig inn til að sjá Algjöran Sveppa og dularfulla hótelherbergið í bíó.

Lífið

Fágætar eftirprentanir finnast á lager

„Væntanlega kemur þessi mappa með Ásgríms-myndunum frá gamla Helgafells-lagernum þegar Ragnar í Smára var upp á sitt besta,“ segir Jóhann Páll Valdimarsson bókaútgefandi. Vel á þriðja tug mappa með eftirprentunum af vatnslitamyndum eftir Ásgrím Jónsson fundust nýlega á lager Forlagsins úti á Fiskislóð.

Lífið

Pamela passar í bresk undirföt

Pamela Anderson, 43 ára, kaupir uppáhalds undirfötin sín í Englandi því þau eru fallegri og þægilegri en undirföt sem fást í öðrum löndum. Fyrrum Baywatch stjarnan segir að undirfötin sem passa vel á hana fást eingöngu í Bretlandi. Hún eyddi nokkrum vikum í London á síðasta ári þar sem hún fór með eitt af aðalhlutverkunum í söngleik um Aladdin en sýningin verður endurtekin í ár sökum vinsælda. Pamelu hlakkar til að heimsækja England á ný því þá ætlar hún að endurnýja öll undirfötin sín. Það verður yndislegt að koma aftur til Englands og kaupa ný undirföt. Ég elska líka að ganga um götur Lundúna, skoða söfn og hitta vini og kunningja," sagði Pamela. Þrátt fyrir ást hennar á breskum undirfatnaði segist hún ekki ætla að sitja fyrir í Playboy tímaritinu aftur því hún sé orðin of gömul fyrir það. Það er kominn tími fyrir aðrar stúlkur að fá athyglina núna, sagði Pamela sem á tvo syni með Tommy Lee, Brandon, 14 ára, og Dylan, 12 ára.

Lífið

Penelope staðfestir óléttuna

Leikkonan Penelope Cruz er gengin fjóra mánuði á leið með sitt fyrsta barn. Penelope giftist leikaranum Javier Bardem í júlí á þessu ári en síðan þá hafa sögusagnir um að þau eigi von á borni verið háværar. Leikkonan hefur verið upptekin við að leika í kvikmyndinni Pirates of the Caribbean: On Stranger Tides þar sem sístækkandi magi hennar hefur vakið athygli nærstaddra. Í dag sendi fjölmiðlafulltrúi Penelope frá sér eftirfarandi tilkynningu: Penelope Cruz is er gengin fjóran og hálfan mánuði með sitt fyrsta barn. Í þessum töluðu orðum er hún á leið til Lundúna þar sem hún vinnur við að leika í Pirates of the Caribbean #4 en tökum á henni líkur innan skamms. Penelope og Javier kynntust árið 2007 en hafa lagt sig fram að halda sambandinu algjörlega út af fyrir sig.

Lífið

Mamma reynir ekki að græða á mér

Leikkonan Blake Lively, 23 ára, segir að mamma hennar komi henni stöðugt á óvart því hún reyni ekki að hafa peninga af sér eftir að hún skaust hratt upp á stjörnuhimininn í Hollywood. Blake leikur Serenu Van Der Woodsen í sjónvarpsþáttaröðinni Gossip Girl sem sýnd er á Stöð 2. Umboðsmaður Blake er móðir hennar en hún hefur aldrei misnotað aðstoðu sína gagnvart henni að sögn Blake. „Mamma er mögnuð kona því hún sinnir móðurhlutverkinu vel. Hún vill ekki prósentur af laununum mínum þrátt fyrir að sjá um mín mál."

Lífið

Hollywoodkynslóðin hittist

Meðfylgjandi myndir voru teknar á skemmtistaðnum Broadway um helgina þegar Hollywoodkynslóðin svokallaða rifjaði upp skemmtilega tíma. Ljósmyndarinn Thorgeir.com náði að fanga gleðina sem ríkti á meðal gesta staðarins.

Lífið

Öskraði eftir erfiðar kynlífssenur

Leikkonan Michelle Williams leikur í átakanlegum kynlífssenum á móti leikaranum Ryan Gosling í nýrri kvikmynd sem ber heitið Blue Valentine. Michelle fannst erfitt að leika í kynlífssenunum. Hún hataði hverja einustu sekúndu á meðan á tökunum stóð. Eftir tökurnar, sem tóku nokkra daga, öskraði hún út um bílgluggann á leiðinni heim úr vinnunni til að losa um streituna sem hún upplifði. „Við æfðum senurnar í marga daga í röð og það voru erifðir dagar," sagði Michelle. „Í byrjun gengu tökurnar á létta þægilegar ástarsenur en þegar við lékum kynlífsatriðin var tilfinningin ömurleg. Tökurnar stóðu yfir heila eilífð. Ég keyrði langa vegalengd heim úr vinnunni á hverjum degi og setti höfuðið út um gluggann og öskraði af öllum lífsins sálar kröftum. Þannig tókst ég á við óþægilegheitin," sagði hún.

Lífið

Ljúka tónleikaferð á Íslandi

Gítarleikarinn Sigurður Rögnvaldsson, sem er búsettur í Svíþjóð, heldur tvenna tónleika hér á landi annað kvöld og fimmtudagskvöld með hljómsveitinni Defekt. Tónleikarnir verða þeir síðustu í tónleikaferð sveitarinnar um Norðurlönd til að fylgja eftir plötunni Pete’s Game Machine. Tónlistinni má lýsa sem djassi með áhrifum frá rokki, poppi og brimbrettatónlist.

Lífið

Mest lesið