Erlent

Laug til um krabbamein

Einstæð móðir frá Wisconsin í Bandaríkjunum á yfir höfði sér allt að fimmtán ára fangelsisvist fyrir að skrökva að vinum og samstarfsmönnum að hún væri með ólæknandi krabbamein.

Dýrt að fara í vinnuna á Range Rover

Breska samgönguráðuneytið íhugar að hækka gjöld á þá sem aka bílum sínum í höfuðborg landins. Þeir þurfa þegar að borga fyrir að aka í miðborginni, en það gæti hækkað verulega á næstu árum.

Tvennir síamstvíburar skildir að

Það er ekki á hverjum degi sem síamstvíburar eru skildir að, hvað þá tvennir. Það gerðist þó í vikunni þegar læknar í Kína gerðu skurðaðgerð á 28 daga gömlum systrum frá Fujian-héraði sem voru samvaxnar á búknum. Um svipað leyti hófu sádiarabískir læknar að skilja að írösku systurnar Fatimu og Zöhru en þær eru tíu mánaða gamlar.

Castro hvergi sjáanlegur

Fimm daga hátíðarhöldum vegna áttræðisafmælis Fidels Castro lauk í dag með hersýningu á heimsmælikvarða. Sökum veikinda var afmælisbarnið hins vegar hvergi sjáanlegt og það hefur gefið þeim orðrómi byr undir báða vængi að Castro liggi banaleguna.

Tæplega hundrað liggja í valnum

Óttast er að hátt í hundrað manns hafi farist þegar enn ein bílsprengjuárásin var gerð á sjíahverfi í Bagdad í dag. Síðastliðinn mánuður var sá mannskæðasti í Írak frá því að ráðist var inn í landið.

Banni létt af Finnair vél

Mannskæð árás í Bagdad

Að minnsta kosti 43 liggja í valnum eftir að þrjár bílsprengjur sprungu nánast samtímis í miðborg Bagdad fyrr í dag. Bílunum sem sprengjunum hafði verið komið fyrir í var lagt við götumarkað sem sjía-múslimar sækja helst.

Engin geislun þar sem Gaidar var

Engin geislun hefur fundist á stöðum sem rússneski stjórnmálamaðurinn Yegor Gaidar heimsótti á Írlandi, áður en hann missti meðvitund í Maynooth háskólanum, þar sem hann var að kynna nýja bók sína. Írskur blaðamaður sem er fyrrverandi fréttaritari í Moskvu, segir að aðstoðarmenn Gaidars hafi tjáð sér að hann hafi verið orðinn veikur fyrir komuna til Írlands.

Castro lét ekki sjá sig

Mikilli hersýningu í tilefni af áttatíu ára afmæli Fidels Castro, er nú lokið á Kúbu án þess að leiðtoginn léti sjá sig. Með réttu eða röngu var litið á það sem mælikvarða á heilsu forsetans, og pólitíska framtíð, hvort hann myndi mæta eða ekki.

Finnair þota kyrrsett vegna geislavirkni

Rússnesk yfirvöld hafa kyrrsett flugvél frá Finnska flugfélasginu Finnair, eftir að geislun mældist þar um borð. Vélin átti að fara frá Moskvu til Helsinki.

Mannskæð umferðarslys á Indlandi

Þrjátíu og þrír létu lífið og fimmtán slösuðust þegar 150 ára gömul brú sem verið var að rífa, hrundi ofan á járnbrautarlest sem keyrði fyrir neðan hana, á Indlandi í dag.

Sex hundruð taldir af

Nánast engar líkur eru taldar á að fleiri finnist á lífi í eðjunni við rætur eldfjallsins Mayon á Filippseyjum en miklar aurskriður féllu úr því í fyrrinótt í kjölfar fellibyls sem gekk yfir eyjarnar.

Castro ennþá veikur

Hátíðarhöldum í tilefni áttræðisafmælis Fídels Castro Kúbuleiðtoga lýkur í dag með mikilli hersýningu í höfuðborginni Havana. Margt fyrirmenna er samankomið á Kúbu í tilefni afmælisins, þar á meðal Evo Morales og Daniel Ortega, forseta Bólivíu og Níkaragva, en sjálft afmælisbarnið hefur hins vegar enn ekki látið sjá sig.

Pólóníum finnst í konu Litvinenkos

Leifar af geislavirka efninu pólóníum 210 hafa fundist í Marinu Litvinenko, eiginkonu Alexanders Litvinenko, fyrrverandi KGB-njósnara sem lést úr eitrun í síðustu viku.

Mótmælin standa enn

Enn situr talsverður mannfjöldi í miðborg Beirútar, höfuðborgar Líbanons, sem krefst þess að ríkisstjórn Fuads Saniora, forsætisráðherra segi af sér.

Mótmæli í Beirút

Gríðarlega fjölmenn mótmæli stjórnarandstæðinga voru í Beirút í gær og mættu þau öflugum viðbúnaði stjórnarliða. Krafist var afsagnar forsætisráðherra. Fleiri mótmæli hafa verið boðuð næstu vikur.

Mikil þörf fyrir ódýrari vodka

Nauðsynlegt er að hefja á ný ríkisframleiðslu á vodka í Rússlandi, sem seldur yrði mun ódýrari en sá sem einkarekin áfengisfyrirtæki framleiða. Þetta segir Osman Paragulgov, formaður samtaka áfengisframleiðenda í Rússlandi.

Banaði barni í örbylgjuofni

Tuttugu og sex ára gömul bandarísk móðir hefur verið handtekin í Ohio í Bandaríkjunum, sökuð um að hafa banað mánaðargömlu barni sínu með því að stinga því í örbylgjuofn.

Átta ára barn myrt í skóla

Átta ára gamall drengur var myrtur í skóla sínum í bænum Hoogerheide í Hollandi í gær. Árásarmaðurinn var 22 ára gamall maður íklæddur síðum frakka og með hettu. Lögreglan handtók manninn skömmu síðar.

Ódýrari alnæmislyf fyrir börn

Bill Clinton, fyrrverandi forseti Bandaríkjanna, tilkynnti í Nýju-Delí á Indlandi á fimmtudag að stofnun hans hefði gert samning við lyfjafyrirtæki um að lækka verð á alnæmislyfjum ætluðum börnum um heim allan. Munu tvö indversk lyfjafyrirtæki leggja til 19 tegundir af algengum veirulyfjum, sem munu lækka um 45 prósent í verði.

Farþegar voru ekki varaðir við æfingunni

Æfing á viðbrögðum við flugráni á flugvellinum í Ulan Bator í Mongólíu snerist upp í skelfingu á miðvikudag þar sem gleymst hafði að vara bæði farþega og flugmenn vélarinnar við ósköpunum.

Fimm ár fyrir morð

Svíi á fimmtugsaldri var á fimmtudag dæmdur í fimm ára fangelsi í Taílandi fyrir morðið á þarlendri vændiskonu. Maðurinn játaði sök og stytti það dóm hans úr tíu árum í fimm. Hann viðurkenndi að hafa barið stúlkuna til bana í hótelherbergi sínu og reynt svo að fela lík hennar. Hann mun líklega afplána dóminn í Svíþjóð.

Stimpingar í þingsalnum

Felipe Calderon þurfti að sæta lagi til þess að geta tekið við forsetaembættinu í Mexíkó í gær af Vicente Fox. Andstæðingar Calderons á þingi reyndu hvað þeir gátu til að koma í veg fyrir athöfnina.

Geislavirkt efni í Scaramella

Ítalinn Mario Scaramella, sem hitti Alexander Litvinenko á veitingahúsi í London hinn örlagaríka 1. nóvember síðastliðinn, var með í líkama sínum „umtalsvert magn“ af geislavirka efninu pólón 210, sem varð Litvinenko að bana í síðustu viku. Þetta kom í ljós þegar Scaramella var skoðaður í gær.

Castro fjarri eigin afmælishátíð

Fidel Castro Kúbuleiðtogi hefur verið of veikur til þess að koma fram opinberlega á fimm daga afmælishátíð hans sjálfs, sem varð áttræður í sumar.

Bandaríkin reyna að stilla til friðar í Sómalíu

Bandaríkin hafa beðið öryggisráð Sameinuðu þjóðanna um að styrkja stjórnina í Sómalíu með herliði frá Afríkubandalaginu sem myndi ekki innihalda hermenn frá nágrannaríkjum eins og Eþíópíu. Tillaga sem Bandaríkjamenn hafa gert leggur líka til að slakað verði á vopnasölubanninu sem Sómalía býr við svo að friðargæsluliðar geti komið með vopn til landsins og styrkt her þess.

Röntgentæki á flugvöllum framtíðarinnar

Alþjóðlegi flugvöllurinn í Phoenix í Arizona í Bandaríkjunum mun nú taka upp gegnumlýsingartæki sem nota á á farþega. Grunsamlegir farþegar verða þá beðnir um að standa fyrir framan það á meðan mynd er tekin af þeim og sést þá allt sem undir fötum manns er.

Smokkur sem er spreyjað á

Þýskir kynfræðslukennarar áætla að þróa smokk sem verður spreyjað á kynfæri karlmanna og á hann að passa á allar stærðir þeirra. Jan Vinzenz Krause frá þýsku Smokkastofnununni, sem er ráðgefandi aðili um notkun smokka, sagði að varan ætti að hjálpa fólki að lifa einfaldara og öruggara kynlífi.

Calderon orðinn forseti Mexíkó

Felipe Calderon var vígður í embætti sem forseti Mexíkó í dag. Athöfnin fór fram í þinghúsinu en stjórnarandstöðuþingmenn höfðu tekið sér stöðu í húsinu nokkrum dögum áður og klukkutíma fyrir athöfnina tóku þeir völdin og lokuðu hurðinni inn í þingsalinn. Calderon fór þá inn bakdyramegin ásamt fráfarandi forseta og var vígður á fáeinum mínútum og hljóp síðan aftur út.

Lögreglumenn handteknir á Spáni

Yfirvöld á Spáni hafa handtekið sjö manns, þarf af fjóra lögregluþjóna, í úthverfi Madrídar vegna gruns um að þeir hafi tekið þátt í sölu á sprengiefnum eins og þeim sem notuð voru í sprengjuárásinni á lestarkerfi Spánverja í mars 2004. Mennirnir eru einnig grunaðir um að selja eiturlyf.