Erlent

Litvinenko jarðsettur

Rússneski njósnarinn Alexander Litvinenko, sem lést í Lundúnum hinn 23. þessa mánaðar verðurm borinn til grafar þar, í dag. Litvinenko lést úr storfelldri geislaeitrun, og í bréfi sem hann skrifaði fyrir lát sitt, sakaði hann Vladimir Putin, forseta Rússlands, um að hafa myrt sig.

Erlent

Knapi lætur lífið

Suður-kóreskur knapi sem tók þátt í Asíuleikunum lést í reiðslysi í morgun. Slysið bar þannig að garði að hesturinn sem hann var á féll ofan á knapann í slæmum aðstæðum en mikil rigning var á svæðinu.

Erlent

Þremur rænt við ósa Níger

Nígerískir vígamenn réðust í morgun á olíudælustöð í ósum Níger-árinnar og rændu þremur starfsmönnum hennar. Talsmaður olíufyrirtækisins Agip, en það átti stöðina sem var ráðist á, vissi ekki hvort að árásin hefði áhrif á starfsemi dælustöðvarinnar.

Erlent

20 tonn af efedríni

Lögreglan í Mexíkó lagði í dag hald á stóra sendingu af efni sem notað er við gerð methamfetamíns. Alls fundust 20 tonn af efninu efedrín í borginni Michoacan en hún er talin ein helsta umskipunarhöfn fyrir eiturlyf á leið til Bandaríkjanna.

Erlent

Tyrkir gefa eftir

Tyrkir ætla sér að opna eina höfn og einn flugvöll fyrir umferð frá Kýpur en löndin tvö hafa átt í deilum allt síðan Tyrkir réðust inn á norðurhluta eyjunnar og hertóku hana árið 1974. Frá þessu skýrði finnsk sjónvarpsfréttastöð í morgun.

Erlent

Slæmt ástand í Víetnam

Alls er talið að 59 manns hafi týnt lífi og 29 týnst en um 120 þúsund hús eru talin hafa eyðilagst af völdum hitabeltisstormsins Durian en hann fór yfir landið snemma á þriðjudagsmorguninn.

Erlent

Kabila orðinn forseti

Joseph Kabila, fyrrum uppreisnarhermaður og bráðabirgðaforseti, varð í gær fyrsti lýðræðislega kjörni forseti Austur-Kongó síðan landið fékk sjálfstæði árið 1960. Kabila var nýlega lýstur sigurvegari forsetakosninganna í landinu en landið er eitt það stærsta og gjöfulasta í allri Afríku.

Erlent

Gates orðinn varnarmálaráðherra Bandaríkjanna

Öldungadeild bandaríska þingsins staðfesti í gærkvöldi Robert Gates sem varnarmálaráðherra Bandaríkjanna. Gates vakti athygli fjölmiðla á þriðjudaginn þegar hann sagði að Bandaríkin væru ekki að vinna stríðið í Írak.

Erlent

Vatn á Mars?

Vísindamenn Geimferðastofnunnar Bandaríkjanna skýrðu frá því í gærkvöldi að nýjar myndir af plánetunni Mars sýndu að á henni gæti verið rennandi vatn.

Erlent

Hinir stéttlausu mótmæltu í Mumbai

Hundruð þúsunda Dalíta, af lægstu stétt Hindúa, héldu í dag kröfugöngu í Mumbai, stærstu viðskiptaborg Indlands. Kröfugangan var haldin í dag í tilefni þess að 50 ár eru liðin síðan leiðtogi hinna stéttlausu, Dr. Ambedkar, lést. Fólkið mótmælti um leið hinni rótgrónu mismunun eftir stétt, sem viðgengst í Indlandi, á grunni hindúatrúar.

Erlent

Gates samþykktur í öldungadeildinni

Öldungadeild bandaríska þingsins samþykkti í kvöld með yfirgnæfandi meirihluta útnefningu Bush Bandaríkjaforseta á Robert Gates sem arftaka Donalds Rumsfelds í stóli varnarmálaráðherra.

Erlent

Ný fréttastöð, France 24, komin í loftið

Fyrsta alþjóðlega fréttastöðin sem sjónvarpar á frönsku og ensku fór í loftið í kvöld undir nafninu France 24. Stöðin keppir um markaðshlutdeild við BBC World og CNN. Stöðin hóf útsendingar á netinu í kvöld og sjónvarpsútsendingar um gervihnött og kapal hefjast á sama tíma annað kvöld.

Erlent

Farþegavél snúið við vegna vindgangs

Flugvél American Airlines var lent í skyndi í flugvellinum í Nashville á miðri leið í dag vegna lyktar af brennisteini sem fannst í flugvélinni, eins og einhver hefði kveikt á eldspýtu. Við rannsókn játaði kona um borð í vélinni að hafa kveikt á eldspýtum til að reyna að hylma yfir vindgang sem hrjáði hana.

Erlent

Þjóðarmorðsklerkur laus úr fangelsi

Rúöndskum presti á níræðisaldri var sleppt úr fangelsi eftir 10 ára fangavist fyrir þátt sinn í þjóðarmorði á Tútsum árið 1994. Elizaphan Ntakirutimana er fyrsti fanginn sem leystur er úr haldi, eftir að hafa setið af sér dóm Alþjóðlega glæpamannadómstólsins fyrir Rúanda.

Erlent

10 hermenn látnir í Írak í dag

10 bandarískir hermenn hafa látist í Írak í dag í fjórum aðskildum árásum, að sögn bandaríska hersins. Talsmaður hersins, Christopher Garver, sagði nokkra hermannanna hafa látist í bílsprengjum en aðra í átökum við uppreisnarmenn.

Erlent

Nektardans er list

Norskur áfrýjunardómstóll hefur komist að þeirri niðurstöðu að nektardans sé listgrein og því eigi nektardansstaðir að vera undanþegnir virðisaukaskatti.

Erlent

Farsímanotkun talin skaðlaus

Danskir vísindamenn hafa komist að þeirri niðurstöðu að ekkert bendi til þess að notkun farsíma geti valdið krabbameini þótt símarnir sendi frá sér öflugar rafsegulbylgjur.

Erlent

Engar viðræður við Íran

Fyrstu viðbrögð Hvíta hússins við skýrslu Íraksnefndar sem skilaði niðurstöðum sínum í dag eru á þá leið að útiloka viðræður við Írana nema þeir hafi fyrst hætt við kjarnorkuáætlun sína. Nefndin mælti með nánari samvinnu við Íran og Sýrland, grannríki Íraks, til lausnar borgarastríðinu í Írak.

Erlent

Úrbætur í 79 liðum

Ráðgjafarnefnd Bandaríkjaforseta segir að ástandið í Írak sé grafalvarlegt og fari versnandi. Í skýrslu nefndarinnar segir að stefna forsetans sé ekki að skila árangri og lagt er til að umtalsverður hluti herliðsins í landinu verði kallaður heim á næstu misserum.

Erlent

Hisbollah hvetur til nýrra fjöldamótmæla

Forsprakkar mótmælaaðgerða Hisbollah og stuðningsmanna þeirra í miðborg Beirút í Líbanon hvöttu í dag til nýrra fjöldamótmæla á sunnudaginn næstkomandi. Þúsundir mótmælenda standa og sitja í sjötta daginn í röð fyrir utan stjórnarráðsskrifstofurnar í Beirút og krefjast afsagnar Siniora forsætisráðherra.

Erlent

Pólonleifar í sendiráðinu

Breska utanríkisráðuneytið tilkynnti í dag að breskir rannsóknrarlögreglumenn hefðu fundið leifar geislavirka efnisins pólons 210 í breska sendiráðinu í Moskvu. Leyniþjónustan tilkynnti í kvöld að málið sé nú rannsakað sem morðmál.

Erlent

Kostnaðurinn gæti orðið meira en þúsund milljarðar Bandaríkjadala

Lee Hamilton, annar formanna rannsóknarnefndar um Írak, sagðist í dag búast við því að kostnaðurinn við Íraksstríðið gæti vel flogið upp fyrir þúsund milljarða Bandaríkjadala, sem er jafnvirði um 69.000.000.000.000 íslenskra króna. Hinn formaðurinn, John Baker segir stefnubreytingar þörf.

Erlent

Seselj má ekki svelta í hel

Serbneski öfgaþjóðernissinninn Vojislav Seselj, sem réttað hefur verið yfir við Stríðsglæpadómstól Sameinuðu þjóðanna í Haag, vill ekki þiggja neina læknisaðstoð og er staðráðinn í að svelta til dauða. Stríðsglæpadómstóllinn í Haag hefur hins vegar krafist þess af hollenskum yfirvöldum að þau komi í veg fyrir þá ætlun sakborningsins.

Erlent

Starfsfólk S.þ. flutt frá höfuðborg Darfurs

Sameinuðu þjóðirnar hafa dregið allt starfsfólk sitt sem ekki er lífsnauðsynlegt velferð innfæddra frá Al Fasher, höfuðborg Norður-Darfurs. Sameinuðu þjóðirnar segja þetta tímabundinn brottflutning þar til ástandið í héraðinu róast.

Erlent

Tvennt líflátið í Sádi-Arabíu

Í dag tóku stjórnvöld í Sádi-Arabíu pakistanskan karl og konu af lífi vegna fíkniefnasmygls og hafa þá alls 31 verið tekin af lífi í landinu það sem af er ári. Parið var tekið af lífi í borginni Mecca en öllum dauðadómum er framfylgt opinberlega. Ströng sharíalög, eða íslömsk lög, gilda í konungsdæminu.

Erlent

Neyðarástand í Sómalíu vegna flóða

Sameinuðu þjóðirnar báðu aðildarþjóðir í dag um styrk að verðmæti 18 milljónum dollara, eða 1.3 milljarða íslenskra króna, til þess að hjálpa þeim sem hafa orðið heimilislausir vegna hinna gríðarlegu flóða í Sómalíu undanfarið.

Erlent

Neyðarlög sett á Fídjieyjum

Neyðarlög eru í gildi á Fídjieyjum eftir að her landsins rændi þar völdum í gær. Leiðtogar valdaránsins hafa haft hraðar hendur undanfarinn sólarhring, meðal annars leyst upp þingið, sett nýjan forsætisráðherra í embætti til bráðabirgða og rekið lögreglustjóra ríkisins.

Erlent

Mest lesið