Erlent

Edmund Hillary gegn hvalveiðum

Hinn frækni fjallgöngumaður Edmund Hillary, sem fyrstur manna kleif Everest, hefur gengið hvalavinum á hönd og ætlar að berjast fyrir friðun hvalastofna. Hillary, sem orðinn 86 ára gamall upplýsti um þetta í heimsókn í Nýsjálenska rannsóknarstöð á Suðurpólnum.

Listar yfir kynferðisbrotamenn í Bretlandi og Bandaríkjunum

Yfirvöld í Bretlandi og Bandaríkjunum halda úti ítarlegum og uppfærðum listum yfir dæmda kynferðisbrotamenn í löndunum tveimur. Listar frá hverju fylki fyrir sig í Bandaríkjunum eru aðgengilegir á netinu og geta þarlendir notað þá til að kanna hvort dæmdir kynferðisbrotamenn eru búsettir í næsta nágrenni við þá.

Þið eruð reknir -allir 400 þúsund

Ríkisstjórn Libyu ætlar að reka rúmlega þriðjung opinbera starfsmanna sinna úr embætti. Það eru um 400 þúsund manns. Tilgangurinn er sá að draga úr opinberum útgjöldum og örva einkaframtakið í landinu. Ekki verða menn þó settir á Guð og gaddinn, því hinum brottreknu verða tryggð laun í þrjú ár, eða lán til þess að stofna fyrirtæki.

Norður-Írska lögreglan leyfði morð á kaþólikkum

Háttsettir foringjar í lögreglunni á Norður-Írlandi leyfðu uppljóstrurum sínum meðal mótmælenda að fremja morð á kaþólikkum í meira en áratug, samkvæmt skýrslu umboðsmanns lögreglunnar, sem gerð var opinber í dag. Á árunum 1991 og 2003 myrtu vígamenn úr Ulster sjálfboðaliðasveitinni að minnsta kosti 10 kaþólikka.

Lygavefur á netinu endaði með morði

Thomas Montgomery hefur verið ákærður fyrir morðið á Brian Barrett frá Buffalo í New York ríki í Bandaríkjunum. Brian var 22 ára þegar hann fannst myrtur fyrir utan verksmiðjuna þar sem þeir unnu í september sl. Hann hafði dregist inn í netsamband Thomasar og konu frá Virginíu ríki. Thomas var 18 ára sjóliði á leið til Íraks og hún 18 ára yngismey sem sendi honum kvenundirföt og myndir af sér. … eða svo héldu þau. Bæði voru í raun miðaldra og hann auk þess giftur. Í skjóli internetsins höfðu þau átt í sambandi í ár þar sem þau lugu til um aðstæður sínar.

Fóðraði svínin með 30 vændiskonum

Kanadiskur svínabóndi hefur verið ákærður fyrir að myrða þrjátíu vændiskonur, og fóðra svínin á líkamsleifum þeirra. Talið er mögulegt að hann hafi sextíu og þrjú morð á samviskunni. Það komst upp um hann fyrir algera tilviljun.

Danir ekki búnir undir veturinn

Hraðbrautinni við Köge á Sjálandi, sem er suður af Kaupmannahöfn, var lokað í dag vegna fjöldaáreksturs á veginum. Eftir því sem danskir vefmiðlar greina frá rákust í kringum 50 bílar saman í röð óhappa og var fjöldi sjúkrabíla sendur á vettvang.

Farsímasektir hækkaðar

Um hundrað látnir í Írak í dag

Hundrað manns hið minnsta hafa fallið í bílsprengju- og eldflaugaárásum í Bagdad í dag og er dagurinn því einn sá blóðugasti frá upphafi árs. 88 létust og 160 særðust snemma í morgun þegar tvær bílsprengjur sprungu á markaði með notuð föt sem fátækir íbúar Bagdad-borgar sækja mikið.

Blóðbað í Bagdad

Enn einn blaðamaður myrtur í Rússlandi

Rán og gripdeildir á strandstað í Devon

Lögregla fer nú um strendur við Devon í Suðvestur-Englandi til þess að reyna að koma í veg fyrir að almenningur ræni varningi sem rekið hefur á land eftir strand flutningaskipsins Napólí í gær. Hundruð manna hafa streymt niður á strönd í von um að finna eitthvað sem nothæft er en talið er að hátt í tvö hundruð gámar af skipinu hafi farið í sjóinn.

Býst við hörðum bardögum við talibana

Sendiherra Bandaríkjanna í Afganistan segir að búist sé við hörðum bardögum við Talibana á þessu ári. Ríkisstjórn landsins sé hinsvegar að styrkjast í sessi og því sé hann bjartsýnn um framtíðina. Síðasta ár var hið blóðugasta síðan talibanar voru hraktir frá völdum árið 2001.

Páfi íhugaði afsögn vegna heilsubrests

Jóhannes Páll páfi íhugaði alvarlega að segja af sér árið 2000, af heilsufarsástæðum. Hann íhugaði einnig að breyta kirkjulögum þannig að páfar segðu af sér þegar þeir yrðu áttræðir.

Fjöldaárekstur á hraðbraut í Danmörku

Hraðbrautinni við Köge, sem er suður af Kaupmannahöfn, hefur verið lokað vegna fjöldaáreksturs á veginum. Eftir því sem danskir vefmiðlar greina frá rákust á bilinu 50 til 100 bílar saman í röð óhappa og hefur fjöldi sjúkrabíla verið sendur á vettvang.

Palestínumenn hatast enn

Tveim æðstu leiðtogum Palestínumanna tókst ekki að ná samkomulagi um myndun þjóðstjórnar, á fundi sínum í Sýrlandi um helgina. Á þeim fundi voru Mahmoud Abbas, forseti Palestínu og leiðtogi Fatah hreyfingarinnar og Khaled Meshaal, leiðtogi Hamas samtakanna.

Glaðnar yfir Norður-Kóreu

Aðalsamningamaður Rússa í málefnum Norður-Kóreu sagði í dag að sex landa viðræður um kjarnorkuáætlun landsins gætu hafist í næsta mánuði. Alexander Losyukov sagði að undirbúningsfundir sem haldnir hafi verið í Berlín hafi aukið bjartsýni manna.

Ný áætlun um friðarferli í Ísrael

Varnarmálaráðherra Ísraels hefur lagt fram áætlun í þrem liðum um að koma friðarferlinu við Palestínumenn aftur í gang. Í því felst meðal annars að Mahmoud Abbas, forseti, fái lengri tíma til þess að afvopna öfgahópa, og Ísraelar loki ólöglegum landnemabyggðum á Vesturbakkanum.

Ætla að dæla olíu úr flutningaskipi í dag

Björgunarfólk í Devon í Englandi hefur í alla nótt og fram eftir morgni reynt að hreinsa upp varning og brak frá flutningaskipinu Napolí sem var siglt upp í fjöru í gær. Skipið laskaðist töluvert í óveðri í síðustu viku.

Hillary vinsælust meðal demókrata

Flestir demókratar í Bandaríkjunum vilja Hillary Clinton sem forsetaefni demókrata á næsta ári samkvæmt skoðanakönnun sem bandaríska blaðið Washington Post birti í gær. Samkvæmt henni vilja 39% flokksmanna að hún hljóti útnefndinguna. Næstir koma öldungadeildarþingmennirnir Barack Obama, með 17%, og John Edwards með 12%. Edwards var varaforsetaefni Johns Kerry í kosningunum 2004.

Serbía: Ólíklegt að þjóðernissinnar komist í ríkisstjórn

Forvígismenn flokks þjóðernissinnaðra Serba eiga ekki von á því að þeim verði boðið að mynda ríkisstjórn þótt þeir hafi unnið stórsigur í þingkosningum í gær. Leiðtogi flokksins situr í fangelsi í Haag í Hollandi þar sem rétta á yfir honum fyrir stríðsglæpi.

70 látnir og 90 slasaðir í tveimur sprengjum í Bagdad

Fleiri en 70 manns eru taldir af eftir tvær öflugar sprengjur í Bagdad. 90 til viðbótar eru særðir eftir sprengjurnar, sem sprungu samtímis í hverfi sem er aðallega byggt sjíamúslimum. Önnur sprengjan var í bíl en hin var skilin eftir í poka á milli markaðsbása sem selja DVD-diska og notuð föt, svo fátt eitt sé nefnt.

Einn af leiðtogum íslamista gaf sig fram

Einn af leiðtogum andspyrnuhreyfingarinnar Íslamska dómstólaráðsins, Sharif Sheik Ahmed, sem réði lögum og lofum í stórum hluta Sómalíu í hálft ár, hefur gefið sig fram við kenísk stjórnvöld í Naírobí. Hann segist hafa verið hræddur um líf sitt á flótta undan eþíópískum hermönnum og hafi því gefið sig fram.

Afturhvarf til kalda stríðsins?

Rússneskur hershöfðingi sagði í dag að ákvörðun Bandaríkjamanna að setja upp eldflaugavarnarkerfi í Póllandi og Tékklandi gæti verið túlkuð sem hótun við yfirvöld í Moskvu. Hann sagðist efast um að kerfið væri til að verja Vesturveldin gegn árásum frá Íran.

Bjarga túnfiskinum

Alheimsráðstefna til bjargar túnfiski er að hefjast í Kobe í Japan. Fimm svæðisbundin hafrannsóknarráð sem stjórna veiðum á túnfiski hvert á sínu svæði eru mætt til ráðstefnunnar, einnig atkvæðamiklar túnfiskveiðiþjóðir og náttúruverndarsamtök. Túnfiskur er einn verðmætasti fiskur í heimi en í mikilli útrýmingarhættu.

Ræða framtíð raunveruleikaþáttarins

Stjórn bresku sjónvarpsstöðvarinnar Channel 4 hittist í dag til þess að ræða hvort stjörnuútgáfa raunveruleikaþáttarins Big Brother verður tekin af dagskrá. Þessi þáttaröð hlaut mikla athygli og gagnrýni fyrir meint kynþáttahatur og einelti sem beindist gegn indverskri leikkonu.

Mótmælendur skotnir til bana í Mogadishu

Í það minnsta þrír létust í morgun þegar lögregla og eþíópískir hermenn skutu á mótmælendur í Mogadishu í Sómalíu. Íslamistar sem héldu borginni í hálft ár eiga enn marga stuðningsmenn í borginni sem hafa mótmælt veru eþíópískra hermanna í landinu.

Nýr yfirmaður Ísraelshers

Þrautreyndur hershöfðingi var kallaður af eftirlaunum til að taka við yfirstjórn Ísraelshers, að því er ísraelskir fjölmiðlar greindu frá í morgun. Yfirhershöfðingi Ísraelshers sagði af sér í síðustu viku vegna mistaka í stríðinu í Líbanon í sumar.

Fátækrapresturinn Abbé Pierre látinn

Franski presturinn Abbé Pierre, sem er mjög þekktur í Frakklandi og víðar fyrir vinnu sína í þágu fátækra og heimilislausra, er látinn, 94ra ára að aldri. Abbé Pierre stofnaði fyrsta Emmaus gistiheimilið fyrir heimilislausa rétt eftir seinna stríð en nú eru slík heimili víða í Frakklandi og í ellefu löndum til viðbótar.

Óttast umhverfisslys í Devon

Björgunarfólk í Devon í Englandi hefur unnið að því alla nóttina að hreinsa upp varning og brak frá flutningaskipinu Napolí sem var siglt upp í fjöru í gær eftir að hafa laskast alvarlega í óveðri í síðustu viku. Breska strandgæslan sagði í gær að 200 gámar hefðu losnað af skipinu og í þeim væru meðal annars rafgeymasýra og ilmvötn.