Erlent

El Baradei farinn frá Pyongyang

Mohammed El Baradei yfirmaður Alþjóðakjarnorkumálastofunarinnar er farinn frá Pyongyang, höfuðborg Norður-Kóreu eftir tveggja daga viðræður við stjórnvöld þar um kjarnorkumál og áætlanir um að slökkva á eina kjarnaofni landsins. El Baradei gat ekki hitt aðal kjarnorkusamningamann landsins, sem sagðist of önnum kafinn til að hitta hann.

Erlent

Reiðir neytendur

Einn er látinn, fjörutíu slasaðir og brunnir lögreglubílar liggja eins og hráviði á götum borgarinnar Zhusan í Mið-Kína, eftir að borgaryfirvöld hækkuðu fargjöld með strætisvögnum. Um 20 þúsund manns mættu til þess að mótmæla framan við ráðhús borgarinnar, og það endaði með miklum slagsmálum við lögregluna.

Erlent

Hefur efni á andabringum

Norðmaðurinn Andreas Höjvold, sem býr á Kristjánssandi, er ekki á flæðiskeri staddur þessa dagana og það getur hann meðal annars þakkað nafna sínum Önd. Andreas, sem er 34 ára gamall byrjaði að safna Andrésar Andar blöðum þegar hann var smágutti. Svo var hann búinn að fá nóg og seldi blaðasafnið sitt fyrir litlar 27 milljónir króna.

Erlent

Auknar líkur á dreng taki getnaður langan tíma

Hollenskir vísindamenn sem hafa ferið yfir gögn meira en 5 þúsund kvenna sem áttu börn á árunum 2001-2003 hafa dregið þá ályktun að því lengri tíma sem það tekur konu að verða ólétt þeim mun meiri líkur eru á að barnið verði drengur. Af þeim tæplega 500 konum sem voru lengur en ár að reyna að geta barn áttu 58% þeirra drengi á meðan hinar sem urðu ófrískar á styttri tíma áttu í 51% tilfella drengi, sem er innan skekkjumarka. Vísindamennirnir hafa því dregið þá ályktun fyrir pör sem geta börn með náttúrulegum hætti aukist líkurnar á því að þau eignist dreng um 4% á hverju því ári sem líður áður en þeim tekst að geta barn. Tekið var tillit til breyta á borð við reykingar, áfengisneyslu og óreglulegan tíðahring þegar niðurstöðurnar voru fengnar. Vísindamennirnir segja þetta geta skýrt hvers vegna fleiri drengir fæðast en stúlkur í heiminum á ári hverju en meðalhlutfallið er 105 drengir á hverjar 100 stúlkur þrátt fyrir að hlutfall X og Y litninga í sæði karla sé jafnt.

Erlent

Calderon gagnrýndi Bush harðlega

Felipe Calderon forseti Mexíkó gagnrýndi George Bush forseta Bandaríkjanna harkalega á fundi þeirra fyrir að gera of lítið til að stemma stigu við ólöglegum fólksflutningum yfir landamæri ríkjanna og fyrir að mistakast í því verkefni að minnka ásókn Bandaríkjamanna í ólögleg fíkniefni. Calderon minnti Bush á að hann hefði eitt sinn sagt að engin milliríkjasamskipti væru mikilvægari en þau milli Mexíkó og Bandaríkjanna. Hann sagði greinilegt að sjónarhorn forsetans hefði breyst eftir hærðilega atburði 11. september 2001.

Erlent

Átta skotnir í Tælandi

Átta voru skotnir til bana í smárútu í suðurhluta Tælands í morgun. Setið var um rútuna og segir lögregla líklegt að múslimskir uppreisnarmenn hafi verið að verki. Minnst tvöþúsund hafa dáið í Suður-Tælandi á undanförnum þremur árum í aðgerðum uppreisnarmanna. Meirihluti íbúa suðurhlutans eru múslimar og eiga íbúar þessara héraða meira sameiginlegt með íbúum Malasíu fyrir sunnan en löndum sínum fyrir norðan sem flestir eru búddatrúar. Sprengjuárásir eru nær daglegt brauð og hafa uppreisnarmenn gert yfirvöld, lögreglumenn, hermenn, kennara og stundum óbreytta borgara að skotmarki sínu.

Erlent

Sjö fórust þegar hús féll saman

Sjö fórust og sex til viðbótar slösuðust þegar hús féll saman í framkvæmdum í vesturhluta Mumbai á Indlandi í gærkvöldi. Allir sem létust voru verkamenn sem störfuðu við framkvæmdirnar. Ekki er ljóst hvað varð til þess að húsið féll saman en slík slys eru tiltölulega algeng á Indlandi. Í síðasta mánuði létust 15 verkamenn þegar vöruhús í byggingu féll saman í Mumbai. Mikil eftirspurn eftir fasteignum á Indlandi hefur bitnað á öryggi undanfarin ár og er það hluti ástæðunnar fyrir því hversu algeng slys af þessu tagi eru.

Erlent

Skotfæraverslun sprakk í Kabúl

Minnst fjórir fórust og nokkrir særðust illa í risasprengingu í skotfæraverslun í Kabúl, höfuðborg Afganistan í morgun. Margar nærliggjandi verslanir og hús skemmdust í sprengingunni sem skildi eftir sig þriggja metra breiðan gíg. Ekki lítur út fyrir að sprengingin hafi verið verk hryðjuverkamanna.

Erlent

Geislavirkni ástæða vatnsgosa á tungli

Vatnsgosin sem verða á yfirborði ístunglsins Enceladus sem sveimar á sporbaug um Satúrnus skýrast af bráðnun sem varð vegna geislavirkni skömmu eftir að tunglið myndaðist. Það kom vísindamönnum mikið á óvart þegar þeir uppgötvuðu vatnsgosin árið 2005 og þeir veltu mikið fyrir sér hvað gæti ollið. Nú hafa menn fundið út að vegna þess hversu mikil geislavirkni var á tunglinu skömmu eftir að það myndaðist þá er möttull þess hægsjóðandi vatn sem brýst út í umræddum gosum.

Erlent

94 fangar látnir lausir

Lögregla lét í gær lausa 94 sem handteknir voru við óeirðirnar vegna Ungdómshússins á Norðurbrú í Kaupmannahöfn. Þetta var um helmingur þeirra sem enn sátu í fangelsi. Lögregla telur ekki lengur hættu á að upp úr sjóði og því er fólkinu sleppt. Þó segir lögreglan að ef fólkið verði aftur uppvíst af því að taka þátt í óeirðum verði það umsvifalaust lokað aftur inni. Nær 100 sitja enn í fangelsi og er búist við því að krafist verði framlengingar á gæsluvarðhaldsúrskurði yfir einhverjum þeirra á föstudag.

Erlent

Blair mætir andstöðu flokkssystkina

Búist er við því að Tony Blair forsætisráðherra Bretlands mæti harðri andstöðu flokkssystkina sinna vegna áætlunar hans um að veita 20 milljörðum punda til þess að endurnýja Trident-kjarnorkukafbáta. Blair hefur sagt það nauðsynlegt fyrir Breta að viðhalda kjarnavopnabúri sínu til að mæta hugsanlegum ógunum.

Erlent

Heiðruð fyrir að hjálpa gyðingum

Pólsk kona sem hjálpaði til við að bjarga lífi 2500 gyðingabarna í síðari heimstyrjöldinni verður heiðruð af pólska þinginu. Konan, Irena Sendlerowa er orðin 97 ára gömul en hún er fyrrverandi félagsþjónustustarfsmaður. Hún skipulagði björgun barna úr gettóinu í Varsjá með hjálp andspyrnuhers Pólverja. Hún var þá handtekinn og pyntuð af Gestapo-leynilögreglu Nasista. Hún hefur ekki hlotið frægð fyrir afrek sín fyrr en nú, þegar hún býr á hjúkrunarheimili og nálgast að verða hundrað ára.

Erlent

Tsvangirai heldur baráttunni áfram

Morgan Tsvangirai leiðtogi stjórnarandstöðunnar í Simbabve heitir því að halda áfram baráttunni gegn stjórnvöldum Roberts Mugabe. Tsvangirai var leiddur fyrir rétt í gær blár og marinn eftir lögregluofbeldi en hann var handtekinn við friðsamleg fundahöld á sunnudaginn. Tsvangirai ræddi við blaðamenn eftir dómhaldið þar sem hann sagðist vart geta gengið eftir barsmíðar lögreglu en sagðist engu að síður ætla að berjast áfram.

Erlent

Bush-mótmæli í Mexíkó

Hart hefur verið mótmælt í morgun utan við sendiráð Bandaríkjanna í Mexíkóborg, en þar er George Bush að ljúka fimm landa ferð sinni um Mið- og Suður-Ameríku. Mótmælendur hafa brennt fána og kastað grjóti í átt að lögreglumönnum sem gæta sendiráðsins.

Erlent

Græn stefna í Bretlandi

Bresk stjórnvöld ætla að draga úr losun koltvísýrings um 60% fyrir árið 2050. Frumvarpsdrög sem miða að því voru kynnt á breska þinginu í dag. Málið er þverpólitískt enda umhverfismál ofarlega á dagskrá hjá öllum stjórnmálaflokkum í Bretlandi.

Erlent

Búrhvalur drekkti sjómanni

Japanskur sjómaður týndi lífi þegar hann og tveir félagar hans reyndu að bjarga búrhval sem hafði villst af leið undan vesturströnd Japans í dag. Mennirnir þrír skullu í sjóinn þegar hvalurinn sló sér í bátana sem þeir voru á.

Erlent

Dolce & Gabbana hætta að auglýsa á Spáni

Tískufyrirtækið Dolce & Gabbana ætlar að hætta öllum auglýsingum í spænskum fjölmiðlum, til þess að verja frelsi sitt til sköpunar, eins og það er orðað. Spænsk yfirvöld höfðu farið fram á að nýjasta auglýsingaherferð fyrirtækisins verði bönnuð, þar sem hún niðurlægi konur.

Erlent

Svíar stuðla að kynþáttahatri á Finnum

Svíar draga upp neikvæða mynd af Finnlandi, Finnum og Svíþjóðarfinnum í kennslubókum og stuðla þannig jafnvel að kynþáttahatri. Þetta segir Raija Vahasalo fulltrúi sendinefndar Finna í Norðurlandaráði. Hann sendi fyrirspurn um málið til Jans Björklunds menntamálaráðherra Svía.

Erlent

Skilur eftir sig látin ungbörn

Þýska lögreglan, í Flensborg, leitar nú ákaft að konu sem á tveim árum hefur skilið eftir sig tvö látin ungbörn, við dönsku landamærin. Ekki er vitað hvort konan er dönsk eða þýsk. Í síðustu viku fannst lík af nýfæddu barni á áningarstað við þjóðveginn rétt handan landamæranna. Það var vafið inn í handklæði og hafði verið sett í innkaupapoka úr plasti.

Erlent

Rússar smíða nýjar eldflaugar

Yfirmaður rússneska flughersins upplýsti í dag að þeir væru að smíða nýja tegund loftvarnaeldflauga, sem væru bæði öflugri og nákvæmari en þær sem nú eru í vopnabúrinu. Jafnframt gagnrýndi hann Bandaríkjamenn harðlega fyrir að ætla að koma upp loftvarnakerfi í Evrópu.

Erlent

150 nauðganir á dag

Samtök kaupsýslumanna í Suður-Afríku hafa hvatt ríkisstjórn landsins til þess að herða baráttuna gegn glæpum, en tíðni glæpa í landinu er með því hæsta í heiminum. Kaupsýslumennirnir bjóðast til að leggja sjálfir fram umtalsverða fjármuni.

Erlent

Tsvangirai á sjúkrahús

Morgan Tsvangirai, leiðtogi stjórnarandstöðunnar í Zimbabwe, var í dag fluttur á sjúkrahús ásamt 49 félögum sínum, sem voru handteknir á bænasamkomu um síðustu helgi. Margir mannanna voru illa útleiknir eftir barsmíðar lögreglu, ekki síst Tsvangirai sem var með mikla höfuðáverka og átti erfitt með gang, þegar hann kom fyrir dómara, í dag. Mennirnir voru sendir á sjúkrahús beint úr réttarsalnum.

Erlent

Kastali Drakúla til sölu

Bran-kastali í Rúmeníu, betur þekktur sem heimili Drakúla greifa, er til sölu. Kaupandi þarf að reiða fram jafnvirði tæpra 7 milljarða íslenskra króna fyrir þennan 13. aldar kastala.

Erlent

Trylltur köttur

Kona á sextugsaldri, í Idaho í Bandaríkjunum, var flutt á sjúkrahús með meira en tuttugu bitsár eftir að heimilisköttur hennar trylltist og réðist á hana. Afbrýðisemi virðist hafa ráðið árás kattarins. Nágranni konunnar hafði komið með annan kött að dyrum hennar, því hann hélt að það væri heimiliskötturinn.

Erlent

Norska lögreglan segist hlusta

Norska lögreglan hefur, í fyrsta skipti birt yfirlit yfir klögumál á hendur lögregluþjónum og málsmeðferð þeirra. Samkvæmt skýrslunni viðurkennir lögreglan að í fjórum tilfellum af hverjum tíu hafi meðferð lögreglu verið ámælisverð eða óheppileg.

Erlent

Stal demöntum fyrir 2 milljarða

Belgíska lögreglan hefur boðið jafnvirði rúmlega 175 milljóna króna fyrir upplýsingar sem leiða til handtöku manns sem stal demöntum úr banka í Antwerpen í síðustu viku. Demantarnir eru metnir á jafnvirði tæplega tveggja milljarða íslenskra króna.

Erlent

Nauðlending með bilað framhjól

Farþegaflugvél japanska All Nippon flugfélagsins var nauðlent í suð-vestur Japan snemma í morgun án þess að nokkurn sakaði. 56 farþegar og 4 manna áhöfn voru um borð. Flugvélin hringsólaði yfir flugvellinum í Kochi í tvær klukkustundir með bilaðan lendingarbúnað að framan. Þegar fullvíst var að hjól kæmi ekki niður var ákveðið að lenda á aftari hjólum. Nef vélarinnar seig svo niður í lendingunni.

Erlent

Tsvangirai leiddur fyrir rétt blár og marinn

Morgan Tsvangirai, leiðtogi stjórnarandstöðunnar í Simbabve, var leiddur fyrir dómara í morgun ásamt fimmtíu bandamönnum sínum. Allir voru þeir handteknir á sunnudaginn. Töluvert sá á Tsvangirai að sögn vitna sem rennir stoðum undir ásakanir um harðræði lögreglu.

Erlent

Ólöglegar veiðar í lögsögu Noregs

Áhöfn rússneska togarans Nemanskiy er grunuð um ólöglegar veiðar í Barentshafi. Þetta kemur fram á vef Skipafrétta. Á myndum sem strandæslan í Noregi tók úr eftirlitsflugvél má einnig sjá að togarinn hefur siglt undir fölsku nafni og númeri.

Erlent

Pútín heimsækir páfa

Vladímír Pútín Rússlandsforseti kom í dag í opinbera heimsókn til Vatíkansins og verður þetta í fyrsa sinn sem forsetinn hittir Benedikt sextánda páfa. Þá áætlar Pútín einnig að hitta Romano Prodi forsætisráðherra Ítalíu í heimsókn sinni. Pútín og páfi munu ræða bætt samskipti á milli Vatíkansins og rússnesku rétttrúnaðarkirkjunnar en saga deilna á milli þessara kirkna er aldalöng. Foveri Benedikts í páfastóli Jóhannes Páll páfi annar ætlaði sér að heimsækja Rússland eftir fall Sovíetríkjanna í þeim tilgangi að græða samskipti Vatíkans og rétttrúnaðarkirkjunnar en honum entist ekki aldur og heilsa til. Þá mun Pútín ræða orkumál við Prodi forsætisráðherra.

Erlent

Mest lesið