Erlent

Flækingsköttur í Downingstræti 10

Fjölskylda Davids Cameron, forsætisráðherra Breta, hefur eignast kött og flutti hann inn í embættisbústað ráðherrans í Downingstræti 10 í dag. Um er að ræða flækingskött úr dýraathvarfi. Tvö elstu börn Davids og Samönthu eiginkonu hans eru miklir kattavinir, að sögn talmanns forsætisráðherrans.

Erlent

Tveggja barna móðir fannst stungin til bana í garðinum

Lík breskrar konu sem hafði verið týnd frá því um jólin fannst í gær. Konan var þrítug og átti tvö börn undir fimm ára aldri með eiginmanni sínum. Líkið fannst við heimili fjölskyldunnar í bænum Holmfirth sem er norðaustur af Manchester.

Erlent

Górillutvíburar komu í heiminn í Rúanda

Górillumamman Kabatwa eignaðist á dögunum tvíbura en slíkt mun vera afar sjaldgæft. Tvíburarnir litlu fæddust þriðja febrúar síðastliðinn á verndarsvæði Górilla í Rúanda. Þetta mun vera í fimmta skiptið sem tvíburagórillur fæðast í landinu frá því menn fóru að fylgjast með þessum mögnuðu skepnum en síðast gerðist það árið 2004. Górillumæður eignast eitt afkvæmi á fjögurra ára fresti að meðaltali. Górillum á svæðinu hefur fjölgað töluvert á síðustu þrjátíu árum en á tímabili voru dýrin í útrýmingarhættu.

Erlent

200 myrtir í Suður Súdan

Yfirvöld í Súdan segja að um 200 hafi verið myrtir í suðurhluta landsins í síðustu viku. Flestir hinna myrtu voru óbreyttir borgarar og voru börn þar á meðal. Sumir voru reknir út í ár af uppreisnarmönnum á svæðinu þar sem þeir drukknuðu.

Erlent

Berlusconi stendur keikur þrátt fyrir mótmæli

Silvio Berslusconi forsætisráðherra Ítalíu lætur engan bilbug á sér finna þrátt fyrir gríðarleg mótmæli gegn honum síðustu daga. Hann er hvattur til að segja af sér en hann hefur verið sakaður um að hafa átt samræði við vændiskonu undir lögaldri.

Erlent

Segjast hafa afhjúpað leyndarmál Coca-Cola

Aðstandendur vefsíðunnar Thisamericanlife.org fullyrða að þeir hafi komist yfir uppskriftina af Coca-Cola. Leyndarmálið að baki uppskriftinni hefur verið vel varðveitt frá því að Coke var fyrst sett á markað árið 1886. Fullyrt hefur verið að eina skriflega eintakið af uppskriftinni sé geymt í bankahólfi í

Erlent

Kínverjar setja reglur um reykingar í bíómyndum

Kínverjar hafa fyrirskipað framleiðendum kvikmynda og sjónvarpsþátta að draga úr reykingum á skjánum. Fyrirskipunin er líður í því að draga úr reykingum almennings en engin þjóð á jörðinni reykir eins mikið og sú kínverska. 300 milljón manns reykja reglulega og á hverju ári látast milljón manns úr sjúkdómum tengdum reykingum.

Erlent

Átján létust í átökum í Mexíkó

Að minnsta kosti átján létust í gærkvöldi og í nótt í borginni Padilla í Mexíkó þegar tvö eiturlyfjagengi háðu blóðuga bardaga víðsvegar um borgina. Ellefu létust í úthverfum borgarinnar, þar á meðal fimm íbúar, fimm farþegar í bílum sem áttu leið hjá og farþegi í almenningsvagni.

Erlent

Sakfelldir fyrir að dæla eitri í Amazon

Dómstólar í Ekvador hafa dæmt bandaríska olíurisann Chevron til greiðslu gríðarlegra skaðabóta fyrir að menga stóran hluta Amazon-skóganna í landinu. Olíufélagið unir ekki niðurstöðunni og ætlar að áfrýja dómnum en dómsmálið hefur veltst um í dómskerfinu í nær tvo áratugi. Ljúki málinu á þeim nótum sem dómur féll í gær þarf Chevron að greiða átta milljarða Bandaríkjadala, eða tæplega þúsund milljarða íslenskra króna.

Erlent

Herinn ósáttur við mótmæli

Egypski herinn krafðist þess í gær að verkföllum og mótmælasamkomum linnti, nú þegar Hosni Mubarak væri farinn frá og herinn hefði tekið að sér stjórn landsins.

Erlent

Mubarak sagður afar heilsuveill

Hosni Mubarak sem hrökklaðist frá völdum í Egyptalandi fyrir helgi er sagður afar heilsuveill. Undanfarna daga hafa Mubarak, sem er 82 ára, og vandamenn hans haldið til í egypska strandbænum Sharm-el-Sheikh. Fullyrt er að liðið hafi yfir Mubarak um helgina en hann er sagður vera með krabbamein.

Erlent

Ringulreið í Teheran

Íranskir lögreglumenn beittu táragasi gegn mótmælendum í höfuðborg Teheran í dag en þar höfðu þúsundir manna komið saman þrátt fyrir bann yfirvalda. Fréttaritari breska ríkisútvarpsins var meðal þeirra sem urðu yfir táragasinu. Hann segir ringulreið einkenna ástandið í miðborginni þessa stundina.

Erlent

Stuttar pásur auka athyglina

Stuttar pásur geta bætt athyglisgáfu fólks verulega þegar það sinnir löngum verkefnum, samkvæmt niðurstöðum nýrrar rannsóknar á starfsemi heilans. Niðurstöðurnar hafa verið birtar í vísindaritinu Cognition.

Erlent

Mesti snjór í heila öld í Suður-Kóreu

Mesta snjókoma í heila öld skall á austurströnd Suður Kóreu um helgina. Hundruðir húsa hafa fallið saman undan snjóþunganum og tólf þúsund hermenn hafa verið gerðir út af örkinni til að aðstoð fólk. Veðurfræðingar spá enn meiri snjókomu á næstu klukkustundunum. Miklar vetrarhörkur hafa verið á svæðinu í vetur og var janúarmánuður sá kaldasti frá árinu 1960. Á einum var 80 sentimetra jafnfallinn snjór yfir öllu í nótt sem er það mesta frá upphafi mælinga.

Erlent

Lögregla barði á mótmælendum í Bahrain

Átök brutust út á meðal lögreglu og mótmælenda í arabaríkinu Bahrain í morgun en þar hafði verið boðað til mótmæla í dag eins og víðar á svæðinu. Sjónarvottar segja að lögregla hafi notað táragas og gúmmíkúlur til þess að dreifa mannfjöldanum sem safnast hafði saman í bænum Newidrat. Shía múslímar eru í meirihluta í landinu en því er hinsvegar stjórnað af Súnní múslimum og í kjölfar mótmælanna í Egyptalandi hafa þær raddir, sem vilja aukinn veg Shía, gerst háværari.

Erlent

Morðóði hnífamaðurinn leiddur fyrir dómara

Maður sem grunaður er um að hafa myrt fjóra í New York um helgina kom fyrir rétt í gærkvöldi þar sem hann var úrskurðaðu í gæsluvarðhald. Talið er að maðurinn sem er 23 ára gamall, hafi stungið fósturföður sinn, fyrrverandi kærustu og móðir hennar til bana á sólarhrings tímabili.

Erlent

Kóngurinn stamandi rúllaði upp BAFTA

Kvikmyndin The King's Speech var sigursæl á BAFTA verðlaununum sem fram fóru í gærkvöld. BAFTA verðlaunin eru eru einskonar óskarsverðlaunahátíð Breta. The Kings Speech fékk 14 tilnefningar og vann á endanum í sjö flokkum, þar á meðal sem besta myndin og fyrir besta leikara í aðalhlutverki, Colin Firth.

Erlent

Egypski herinn ætlar að banna verkföll

Mótmælendurnir á Frelsistorginu í Kaíró hafa nú yfirgefið svæðið. Þær þúsundir sem verið hafa á torginu síðustu daga til þess að mótmæla stjórn Hosni Mubaraks í Egyptalandi hafa flestar haldið heim á leið.

Erlent

Fyrstu fjöldamótmælin í tíu ár

Alsír, AP Hátt í þrjátíu þúsund óeirðalögreglumenn stóðu vaktina á götum Algeirsborgar á laugardag og handtóku hátt í fjögur hundruð mótmælendur. Um tíu þúsund manns voru á götum úti og hunsuðu þar með bann stjórnvalda við mótmælum. Þeir hrópuðu: „Ekki meira lögregluríki!" og héldu á skiltum sem á stóð: „Skilið okkur Alsír til baka".

Erlent

Byssulög verða ekki hert í Sviss

Meirihluti Svisslendinga hefur hafnað því í þjóðar­atkvæðagreiðslu að lög um byssu­eign í landinu verði hert. Um 1.300 sjálfsvíg eru framin á hverju ári í Sviss og fjórðungur þeirra er af völdum byssu. Tillaga hafði verið lögð fram um að herrifflar yrðu bannaðir á heimilum og að erfiðara yrði að festa kaup á annars konar byssum.

Erlent

Sendi konu mynd af sér

Bandaríkin, AP Bandaríski fulltrúa­deildarþingmaðurinn Chris Lee sagði skyndilega af sér síðastliðinn fimmtudag. Daginn áður birti slúður­vefurinn Gawker tölvupóst sem hann sendi til konu með mynd af sjálfum sér berum að ofan.

Erlent

Moska reist á Amagereyju

Borgarráð Kaupmannahafnar hefur veitt leyfi til þess að stór moska verði reist á Amagereyju, á horni Njálsgötu og Artillerivej. Múslimaráð landsins segist vera að safna fé til þess að reisa moskuna, sem danskir múslimar hafa áratugum saman gert sér vonir um að verði að veruleika.

Erlent

Mótmælendur mæta hörku í Alsír og Jemen

Yfirvöld í Alsír og Jemen virðast staðráðinn í að halda mótmælendum í skefjum. Hátt í þrjátíu þúsund óeirðalögerglumenn fylltu götur Algeirsborgar í gær og handtóku hátt í 400 mótmælendur.

Erlent

Muabarak kom auðinum undan

Hosni Mubarak er talinn hafa nýtt síðustu átján daga valdatíðar sinnar til þess að koma gríðarlegum auðæfum sem hann hefur safnað í forsetastóli, í öruggt skjól. Hann var hrakinn frá völdum í lok vikunnar og svo virðist sem hann hafi lært af mistökum kollega síns í Túnis, Zine El Abidine Ben Ali, en svissnesk yfirvöld frystu eigur hans þar í landi áður en hann flúði land.

Erlent

Mest lesið