Erlent

Níðingahjónin játuðu sekt sína

Phillip Garrido og Nancy kona hans hafa játað að hafa rænt Jaycee Dugard þegar hún var 11 ára og haldið henni fanginni í 18 ár. Dugard slapp úr prísundinni árið 2009, en þá hafði Garrido getið henni tvær dætur sem nú eru 13 og 16 ára. Garrido-hjónin bíða nú dóms en verða að öllum líkindum í fangelsi til æviloka. Þau játuðu, að eigin sögn, til að hlífa Dugard og dætrum hennar fyrir því að þurfa að bera vitni fyrir dómi.

Erlent

Barack Obama heitir stuðningi

Bandaríkjaforseti sagði eftir heimsókn á hamfarasvæðin í Suðausturríkjunum að hann hafi aldrei séð aðra eins eyðileggingu. Barack Obama hélt ræðu í Tuscaloosa í Alabama, sem hefur orðið afar illa úti, þar sem hann hét stuðningi við uppbygginguna sem fram undan er. Neyðarástandi hefur verið lýst yfir í sjö ríkjum þar sem fjöldi skýstróka skylja eftir sig slóð eyðileggingar. Á fjórða hundrað manns hafi látið lífið þar af yfir 200 í Alabama

Erlent

Bernskuheimili Katrínar til sölu á hundrað milljónir

Ef þú átt hundrað milljónir liggjandi á lausu gætir þú náð þér alvöru minjagrip um brúðkaup Vilhjálms prins og Katrínar hertogaynju. Bernskuheimili Katrínar er nefnilega til sölu á þessum spottprís. Húsið heitir West View og er nálægt borginni Reading. Katrín bjó í húsinu til þrettán ára aldurs. Foreldrar hennar seldu það árið 1995 fyrir um 27 milljónir en verðmiðinn sem núverandi eigandi hefur sett á húsið hefur væntanlega eitthvað með breytta stöðu Middleton-dótturinnar að gera.

Erlent

Prinsessan á Jelly-bauninni

Tuttugu og fimm ára gamall Breti datt í lukkupottinn á dögunum þegar hann keypti poka af Jelly-baunum fyrir kærustuna sína. Fyrsta baunin sem kom upp úr pokanum er nefnilega sláandi lík Katrínu hertogaynju sem gekk að eiga Vilhjálm Bretaprins í dag.

Erlent

Brúðhjónin eins og Bond

Vilhjálmur Bretaprins og Katrín eiginkona hans fóru í óvænta ökuferð á Aston Martin blæjubíl frá Buckinghamhöll til heimilis síns í Clarence House.

Erlent

Óku til hallarinnar í opnum hestvagni

Um tveir milljarðar manna um allan heim fylgdust með þegar Vilhjálmur prins og Katrín prinsessa voru gefin saman í Westminster Abbey í dag. Fyrir utan að vera orðin prinsessa sæmdi drottningin Katrínu titlinum Hertogaynjan af Cambridge. Og fyrir þá sem tóku þátt í að veðja um litinn á hatti Elísabetar drottningar má geta þess að hann var gulur, eins og raunar flestir höfðu veðjað á. Sömuleiðis var hún í gulri dragt. Eins og nærri má geta var athöfnin afskaplega formleg og virðuleg en brúðhjónin skiptust þó á mörgum brosum. Að henni lokinni óku brúðhjónin í opnum hestvagni frá Westminster Abbey til Buckingham hallar. Á leiðinni voru þau hyllt af að minnstakosti einni milljón Breta og ferðamanna sem vörðuðu veginn. Og nú verður hátt í höllinni því þar verða veislur og móttökur langt fram á kvöld. Þegar veisluhöldum lýkur munu drottningin og Filipus hertogi yfirgefa Buckinghamhöll á eftirláta hana brúðhjónunum á brúðkaupsnóttina. Brúðarkjóll Katrínar prinsessu og blómvöndur hennar var nánast eins ólíkur skrúða Díönu prinsessu og hugsast getur. Kjóllinn var fílabeinshvítur, skreyttur blúndum og virtist léttur. Slóðinn var stuttur. Brúðarvöndurinn var hvítur og grænn og mjög nettur. Hún var ekki með hálsfesti en hinsvegar demantseyrnalokka. Katrín bar litla kórónu sem drottningin lánaði henni, en kórónan er frá árinu 1936 og hefur verið kölluð "geislabaugurinn" frá Cartier. Vilhjálmur prins var í einkennisbúningi.

Erlent

Katrín í hvítum kjól frá hönnuði Alexander McQueen

Brúðarkjóll Katrínar Middleton er fílabeinshvítur og blúndum skreyttur. Brúðurin var sérlega glæsileg þegar hún gekk inn kirkjugólfið í kjól sem hönnuður Alexander McQueen hannaði, Sarah Burton. Sögusagnir höfðu verið uppi fyrir brúðkaupið um að Burton hannaði kjólinn en hún vísaði öllu slíku á bug enda mátti ekkert láta uppi um kjólinn fyrr en í athöfninni sjálfri.

Erlent

Auðveld skotmörk í opnum hestvagni

Það verður líklega um korter yfir ellefu að íslenskum tíma sem taugar öryggissveita í Lundúnum þenjast til hins ítrasta. Þá lýkur kirkjuathöfninni í brúðkaupi þeirra Vilhjálms og Kate og við tekur ferð í opnum hestvagni frá Westminster Abbey til Buckingham hallar.

Erlent

Prinsinn orðinn hertogi, barón og jarl

Vilhjálmur Bretaprins hefur verið gerður að hertoganum af Cambridge en amma hans drottningin sæmdi hann titlinum í morgun. Vilhjálmur fær einnig titlana jarlinn af Strathearn og Baróninn af Carrickfergus.

Erlent

Obama heimsækir hamfarasvæðið í Alabama

Að minnsta kosti 297 hafa látist í óveðri sem gengið hefur yfir suðaustur-ríki Bandaríkjanna síðustu daga. Skýstrókar hafa tætt byggingar og önnur mannvirki í sig og er slóð eyðileggingarinnar sumstaðar gríðarleg.

Erlent

Giffords fylgist með síðasta geimskoti Endeavor

Bandaríska geimskutlan Endeavor heldur af stað í sína síðustu geimferð í dag frá Flórída. Ferðinni er heitið í alþjóðlegu geimstöðina sem er á sporbaug um jörðu og tekur leiðangurinn fjórtán daga. Þegar skutlan snýr aftur verður henni komið fyrir á safni í Los Angeles.

Erlent

Manning brátt laus úr einangrun

Bradley Manning, bandaríski hermaðurinn sem situr í fangelsi fyrir að hafa lekið skjölum til WikiLeaks síðunnar losnar innan tíðar úr einangrun. Hann hefur síðustu mánuði verið í einangrunaklefa í herfangelsi í Virginíu en hefur nú verið fluttur í Fort Leavenworth í Kansas og þar mun hann umgangast aðra fanga.

Erlent

Segir Kate já? - brúðkaupið í beinni á Vísi

Brúðkaup Vilhjálms Bretaprins og Kate Middleton fer fram í Westminster Abbey í London í dag. Gríðarlegur mannfjöldi er samankominn í borginni til þess að berja kóngafólkið augum enda ekki á hverjum degi sem verðandi krónprins Breta gengur í hnapphelduna. Útsendingin hefst klukkan sjö en sjálf athöfnin klukkan tíu. Hægt er að fylgjast með herlegheitunum í beinni útsendingu á Vísi og á Stöð 2 í opinni dagskrá.

Erlent

Ísraelsstjórn hafnar samstarfi við Hamas

Stjórnvöld í Ísrael munu ekki ræða við palestínsk stjórnvöld á meðan Hamas-samtökin eiga aðild að stjórn Palestínu, sagði Avigdor Lieberman, utanríkisráðherra Ísraels, í gær. Forsvarsmenn stríðandi fylkinga Palestínumanna náðu á miðvikudag sögulegu samkomulagi um að sameina á ný svæði í Palestínu og hætta innbyrðis átökum Hamas og Fatah, sem kostað hafa hundruð manna lífið á síðustu árum.

Erlent

Stóra stundin nálgast

Katrín Middleton kom á Goring hótelið í miðborg Lundúna nú í kvöld. Þar mun hún dvelja í nótt, en hún og Vilhjálmur Bretaprins munu ganga í hjónaband á morgun.

Erlent

Fjöldi fólks bíður fyrir utan Westminster Abbey

"Við erum búin að hitta fólk frá Kanada og frá Simbabwe. Hér er fólk alls staðar að úr heiminum sem er búið að tjalda við Westminster Abbey og ætlar að bíða hér þangað til á morgun, til að sjá brúðina ganga inn,“ segir Helga Arnardóttir, fréttamaður, sem er stödd í London. Þegar hafa allt að hundrað manns komið sér fyrir utan við kirkjuna og skín eftirvæntingin úr hverju andliti. Um 20 stiga hiti og sól er í borginni og eru vonir bundnar við að veðrið haldi sér til morguns. Þó er búið að gera ráðstafanir ef veður breytist til hins verra og eru því til reiðu tveir hestvagnar fyrir brúðhjónin til að komst á milli staða á morgun, annar opinn og hinn lokaður. Enn hefur ekki verið opinberað hver hannaði kjól Kate Middleton en sögur herma að hún hafi jafnvel látið hanna fyrir sig allt að þrjá kjóla, bara til öryggis ef eitthvað myndi koma upp á. Þá er talið að hönnuðir Alexander McQueen hafi hannað minnst einn kjól fyrir brúðina verðandi. Áhangendur brúðkaupsins bíða spenntir eftir að sjá kjól Kate á morgun. Vilhjálmur prins, heitmaður hennar, verður þó síðastur manna til að sjá kjólinn enda koma sjónvarpsáhorfendur heima í stofu til með að sjá hann á undan Vilhjálmi sem ber ekki dýrðina augum fyrr en Kate er komin inn í kirkjuna á morgun. "Hún hefur haft á orði að hann þekki öll fötin hennar og að hún vilji koma honum virkilega á óvart,“ segir Helga. Þá hafa jafnvel verið uppi veðmál um hvort Kate verður með blóm í hárinu á morgun eða kórónu. "Það er ótrúlegt að vera hér í borginni. Fólk skiptist algjörlega í tvo hópa. Það eru konungssinnarnir sem ganga helst til langt til að sjá brúðhjónin með eigin augum, þó ekki sé nema í fimm sekúntur. Síðan eru það Bretarnir sem stendur nett á sama en eru samt þakklátir fyrir auka frídag,“ segir Helga. Fylgst verður með undirbúningi brúðkaupsins og athöfninni sjálfri í beinni útsendingu á Stöð 2 og Vísi á morgun. Athöfnin hefst klukkan tíu að íslenskum tíma í fyrramálið. Hún er rúmur klukkutími. Eftir það fara þau í hestvagni frá Westminister Abbey til Buckingham-hallar. Bein útsending hefst klukkan sjö í fyrramálið.

Erlent

Ekki fljúga með þessum flugfélögum

Yfir 250 flugfélög eru á svörtum lista Evrópusambandsins sem nú hefur verið uppfærður í sautjánda skipti. Svarti listinn þýðir að þessi flugfélög fá ekki að fljúga til Evrópusambandsríkjanna.

Erlent

Grunaðir um að hafa ætlað að spilla fyrir hátíðahöldunum í London

Um 20 manns hafa verið handteknir í Bretlandi í dag, grunaðir um að hafa lagt á ráðin um að spilla fyrir hátíðahöldunum í London á morgun þegar Vilhjálmur Bretaprins gengur að eiga Kötu Middleton. Breska lögreglan réðist inn í fimm íbúðir sem hústökumenn hafa tekið yfir og í einu þeirra voru 14 handteknir.

Erlent

Ók fram af brún Miklagljúfurs og lifði það af

Ungur maður þykir með þeim heppnustu á jarðarkringlunni eftir að hann ók bíl sínum fram af brún Miklagljúfurs í Bandaríkjunum og lifði það af. Bíllinn steyptist 200 fet niður í gljúfrið, eða um 60 metra, en lenti þá á tré í hlíðinni og festist þar. Manninum tókst að klifra upp á bjargbrúnina og fá aðstoð en lögreglumenn á svæðinu íhuga nú með hvaða hætti hægt verður að ná í bílinn.

Erlent

Mannskæð sprenging í Marokkó

Mikil sprenging varð á aðaltorgi borgarinnar Marrakesh í Marokkó í dag. Tíu eru látnir hið minnsta og tugir slasaðir. Sprengingin virðist hafa orðið á kaffihúsi í borginni á háannatíma en Marrakesh er vinsæl ferðamannaborg í landinu. Ekki er ljóst hvort um hryðjuverk hafi verið að ræða eða einfaldlega slys, en mótmæli hafa verið í landinu síðustu mánuði þar sem krafist er að dregið verði úr völdum konungsins. Sumar fregnir herma að gashylki hafi sprungið á kaffihúsinu með þessum afleiðingum.

Erlent

Sittu heima ódámurinn þinn

Boð til sendiherra Sýrlands um að vera viðstaddur brúðkaup þeirra Vilhjálms prins og Kate Middleton hefur verið dregið til baka. Boðið hefur sætt gagnrýni vegna þeirrar hörku sem stjórnvöld í Sýrlandi beita andófsmenn.

Erlent

Hótel mamma vaxandi vandamál í Evrópu

Margir foreldrar eiga erfitt með að sjá á eftir börnum sínum út í lífið þegar þau flytja af heiman. Það er þó ekki raunin alls staðar því víða í Evrópu er það vandamál hvað afkvæmin eru þaulsetin í heimahögunum.

Erlent

Deilt um yfirlýsingu vegna ofbeldis í Sýrlandi

Óeining er innan öryggisráðs Sameinuðu þjóðanna um viðbrögð vegna árása öryggissveita í Sýrlandi á mótmælendur. Hundruð manna hafa fallið í árásum öryggissveitanna undanfarnar vikur. Rússar eru sagðir standa í vegi fyrir aðgerðum að hálfu Sameinuðu þjóðanna.

Erlent

Fatah og Hamas semja um bráðabirgðastjórn

Skriður er kominn á samningaumleitanir milli Fatah hreyfingar Abbasar forseta Palestínu á Vesturbakkanum og Hamas hreyfingarinnar á Gaza, að sögn Sveins Rúnars Haukassonar formanns samtakanna Ísland-Palestína.

Erlent

Mest lesið